समाजातल्या अनेक गोष्टीचं प्रतिबिंब ज्याप्रमाणे चित्रपटात उमटते त्याचप्रमाणे चित्रपटातून समाजमनाला भेडसावणारे काही प्रश्नही दाखवण्यात येत असतात. आपल्या समाजात अनेक ज्वलंत मुद्दे आहेत. अनेक चुकीच्या घटना आपल्या अवतीभोवती घडत असतात. कायद्याच्या चौकटीत राहून त्यावर न्याय देण्याचा प्रयत्नही होत असला तरी न्यायाला होणाऱ्या विलंबाचे कटू सत्य आपण नाकारू शकत नाही. कायदेशीर लढाईच्या विलंबामुळे होणारी फरपट हा विषय मध्यवर्ती ठेवत दिग्दर्शक महेश मांजरेकर यांनी ‘मी शिवाजी पार्क’ या चित्रपटाची कथा गुंफली आहे. गौरी पिक्चर्स प्रोडक्शन’ व ‘महेश मांजरेकर मूव्हीज’चा ‘मी शिवाजी पार्क’ हा चित्रपट येत्या १८ ऑक्टोबर ला प्रेक्षकांच्या भेटीला येतोय.

टॉलिवूड आणि बॉलीवूड मध्ये संगीत दिग्दर्शनाचा बादशहा मानले जाणारे ऑस्करविजेते ए आर रेहमान यांनी नुकत्याच एका खास कारणास्तव मुंबईत हजेरी लावली होती .हे खास कारण म्हणजे, 'पेन इंडिया कंपनी'चे जयंतीलाल गडा आणि तृप्ती भोईर फिल्म्स यांची प्रस्तुती असलेल्या 'माझा अगडबम' सिनेमाचा म्युजिक लाँच सोहळा! मुंबईतील प्रशस्त ताज लॅन्डस् अँड हॉटेलमध्ये दिमाखात पार पडलेला हा संगीतसोहळा मराठी चित्रपटसृष्टीसाठी ए.आर.रेहमान यांच्या आगमनाने ऐतिहासिक ठरला.

अभिनेता, लेखक प्रविण विठ्ठल तरडे लिखित आणि दिग्दर्शित ‘मुळशी पॅटर्न’ या बहुचर्चित मराठी चित्रपटाच्या प्रदर्शनाची तारीख नुकतीच सोशल मीडियावर मोशन पोस्टरद्वारे जाहीर करण्यात आली. अभिजित भोसले जेन्यूइन प्रॉडक्शन्स एलएलपी आणि पुनीत बालन एंटरटेनमेंट प्रा. लि. यांची निर्मिती असलेला ‘मुळशी पॅटर्न’ दिवाळी नंतर बॉक्स ऑफिसवर धमाका करण्यास सज्ज झाला असून येत्या २३ नोव्हेंबर रोजी हा चित्रपट संपूर्ण महाराष्ट्रात प्रदर्शित होणार आहे.

मराठी सिनेमा आता सातासमुद्रापार पोहोचला आहे, बॉलिवूडसह इतर प्रादेशिक चित्रपटसृष्टीतून देखील मराठी चित्रपटांचे कौतुक होत आहे. या कौतुकाचे श्रेय मराठी मातीतील कथा, कलाकारांचे अभिनय कौशल्य, मनोरंजनसृष्टीशी संबंधित असलेल्या प्रत्येकाची मेहनत, दिग्दर्शक आणि मराठी चित्रपटांत विश्वास ठेवून त्याची निर्मिती करणारे निर्माते यांना दिले जाते. अशाप्रकारे, मराठमोळी अभिनेत्री उर्मिला मातोंडकरने सोशल मिडीयाच्या माध्यमातून नुकतीच तिच्या ‘माधुरी’ या आगामी मराठी चित्रपटाची घोषणा केली आहे. मराठी चित्रपटाप्रती असलेले प्रेम आणि विश्वास दाखवून उर्मिला मातोंडकरचे पती आणि ‘मुंबापुरी प्रॉडक्शन’चे मोहसिन अख्तर मीर यांनी ‘माधुरी’ या चित्रपटाची निर्मिती केली आहे.

नवरात्री उत्सव प्रत्येकजण वेगवेगळ्या पध्दतीने साजरा करतात. कोणी देवीची आराधना, घटस्थापना, उपवास, देवदर्शन, आणि देवीचा जागर करून तर कोणी भोंडला, हादगा खेळून नवरात्रौत्सव साजरा करतात. व्यक्ती तितक्या प्रकृती ह्या न्यायाने नवरात्रौत्सव साजरा करण्याच्याही वेगवेगळ्या पध्दती आहेत. ‘माझ्या नव-याची बायको’ फेम अभिनेत्री आदिती द्रविड मात्र यंदा नवरात्रौत्सव खूपच वेगळ्या पध्दतीने साजरा करत आहे. आदितीच्या ‘यु एन्ड मी’ अल्बमला सध्या चांगला प्रतिसाद मिळतोय. एकिकडे प्रसिध्दीच्या झोतात असतानाच अदितीने समाजाचं देणं, समाजालाच परत करण्यासाठी आपली ‘फ्लाय हाय’ ही समाजसेवी संस्था सुरू केली आहे. आपल्या ह्या संस्थेव्दारे तिने समाजोपयोगी कामं हाती घेण्याचा संकल्प सोडलाय. नुकतेच तिने पूण्याजवळच्या किर्कवाडीमधल्या ज्ञानज्योती विद्यामंदिर शाळेतल्या मुलींसाठी सॅनिटरी नॅपकिन असलेले स्वयंचलित मशीन दान केले आहे.

प्रेमी जोडप्यांची पहिली भेट घडवून आणणाऱ्या आगामी 'गॅटमॅट' सिनेमाचं नुकतंच सोशल नेट्वर्किंग साईटवर पोस्टर लाँच करण्यात आलं. 'आम्ही जुळवून देतो' अशी टॅगलाईन असलेल्या या सिनेमाच्या पोस्टरवर चित्रपटातील प्रमुख कलाकारांची झलक आपणांस पहायला मिळते. अवधूत गुप्ते ह्यांची प्रस्तुती असलेला यशराज इंडस्ट्रीज निर्मित मराठी चित्रपट 'गॅटमॅट' हा सिनेमा येत्या १६ नोव्हेंबर रोजी प्रेक्षकांच्या भेटीस येत आहे.

Advertisement