‘काय गो, काय करतंस?’ किंवा ‘तुका-माका, हय-खय’ हे शब्द कानी पडले, कि समोरचा व्यक्ती मालवणी आहे हे हमखास कळते. मालवणी माणसांचा प्रेमळ आणि तितकाच असलेला मिष्कील स्वभाव त्यांच्या बोलीभाषेतून व्यक्त होत असतो. म्हणूनच तर, नारळासारखे बाहेरून टणक पण आतून गोड असलेल्या या मालवणी माणसांवर आधारित 'रेडू' हा राज्य पुरस्कारप्राप्त सिनेमा लवकरच प्रदर्शित होत आहे. लँडमार्क फिल्मच्या विधि कासलीवाल प्रस्तूत आणि ब्लिंक मोशन पिक्चर्स प्रायव्हेट लिमिटेड सह नवल फिल्म्सचे नवल सारडा यांची निर्मिती असलेल्या या सिनेमाचे सागर छाया वंजारी यांनी दिग्दर्शन केले आहे.

सेलिब्रिटींचा वाढदिवस हा त्यांच्या चाहत्यांसाठी ब-याचदा दिवाळी - दस-यासारखाच असतो. बॉलीवूड सेलेब्सच्या वढदिवसाला त्यांच्या घराबाहेरची गर्दी ही आता आपल्याला नित्याचीच झालेली आहे. लग्नानंतर अमेरिकेत स्थायिक झालेल्या अभिनेत्री अश्विनी भावे मात्र आपल्या वाढदिवसाला मोठ-मोठ्या पार्टीज न करता, दरवर्षी वाढदिवस खूप साध्या पध्दतीने आणि घरगुती पध्दतीने सेलिब्रेट करणंच पसंत करतात.

गोड चेहरा, लांब केस, डोक्यावर मोरपंखी मुकूट आणि हातात बासरी... कृष्णाचं हे एकंदर वर्णन ऐकलं की सगळ्यात आधी डोळ्यासमोर येणारा चेहरा म्हणजे स्वप्नील जोशी... कृष्णाची छवी आपल्या सगळ्यांच्या मनात बसवणारा रामानंद सागर यांचा हा कृष्णा रणांगण चित्रपटाच्या निमित्ताने पुन्हा एकदा आपल्या बासरीच्या सूरांनी प्रेक्षकांना मंत्रमुग्ध करण्यास सज्ज झाला आहे.

गुरु गोबिंदसिंगाच्या पवित्र पावन पदस्पर्शाने पुनीत झालेली नांदेडची भूमी या भूमीमधून आजपर्यंत अनेक चेहरे नावा रुपाला आले. त्यातील एक म्हणजेच नांदेडची भूमीकन्या नवोदित सिनेअभिनेत्री शितल चव्हाण हि ख्वाडा या राष्ट्रीय पुरस्कार प्राप्त चित्रपटाचे दिग्दर्शक भाऊराव कऱ्हाडे यांचा दुसरा सिनेमा बबन या मध्ये पप्पीच्या भूमिकेत झळकली आहे.

महाराष्ट्रदिनी फक्त महाराष्ट्राच्या मातीचे गोडवे न गाता, आपल्या घामानं महाराष्ट्राच्या मातीचे ऋण फेडायला अभिनेत्री सई ताम्हणकर पुण्याजवळच्या गावात येत्या 1 मे रोजी श्रमदान करणार आहे. सई गेली तीन वर्ष पाणी फाउंडेशनच्या माध्यमातून पश्चिम महाराष्ट्रातल्या ग्रामीण भागात पाणीटंचाईविरहित महाराष्ट्रासाठी आपलं योगदान देते आहे. यंदाही आपल्या बाकी सर्व व्यावसायिक जबाबदा-यांना बाजूला ठेवतं, सई श्रमदानामध्ये 1 मे रोजी सक्रिय सहभागी झालेली दिसणार आहे.