येत्या ८ फेब्रुवारीला भाई चित्रपटाचा उत्तरार्ध रिलीज होणार आहे. ह्या चित्रपटातला अभिनेता सागर देशमुखचा ‘साठ्ठोत्तरी’ भाईंचा लूक सध्या खूप वाखाणणला जात आहे. भाईंचा हा लूक हुबेहूब वठावण्यामध्ये सर्वाधिक योगदान आहे. साळवी ब्रदर्सचे. सुंरेंद्र आणि जितेंद्र साळवी ह्या दोन्ही बंधुंनी हा लूक बनवण्यासाठी खूप मेहनत घेतली आहे. भाईंचे तरूणपणापासून ते म्हातरपणापर्यंतचे विग्स ‘नॅचरल हेअर स्टुडियो’ने बनवलेले आहेत.

मराठी चित्रपटांमधून खानदानी मराठमोळ्या स्त्रीची व्यक्तिरेखा साकारणाऱ्या आणि अनेक चित्रपटांमध्ये सुपरस्टार दादा कोंडकेंच्या आईच्या भूमिकेमुळे अजरामर झालेल्या ज्येष्ठ चरित्र अभिनेत्री आशा पाटील यांचा 'रेडीमिक्स' हा अखेरचा चित्रपट येत्या ८ फेब्रुवारीला प्रदर्शित होतोय. ‘सामना’, ‘तुमचं आमचं जमलं’, ‘राम राम गंगाराम’, ‘बन्याबापू’, ‘माहेरची साडी’, अशा जवळपास दिडशेहून अधिक हिंदी मराठी चित्रपटांमधून चरित्र अभिनेत्रीची भुमिका साकारणाऱ्या आशा पाटील यांचा नुकताच स्मृतीदिन होऊन गेला. ‘सालस आणि सरळ स्वभावाच्या आशाताईंनी अनेक चित्रपटांमध्ये खानदानी मराठमोळ्या महिलेच्या व्यक्तिरेखा साकारल्या. त्यांच्या अस्सल बावन्नखणी अभिनयासोबतच रुबाबदार व्यक्तित्वामुळे त्या उठून दिसायच्या. या चतुरस्त्र अभिनेत्रीचा अमेय विनोद खोपकर यांच्या ‘एव्हीके फिल्म्स’, प्रशांत घैसास यांच्या ‘कृती फिल्म्स’, आणि सुनिल वसंत भोसले यांच्या ‘सोमिल क्रिएशन्स’चा जालिंदर कुंभार दिग्दर्शित ‘रेडीमिक्स’ हा त्यांचा अखेरचा चित्रपट आहे. वयाच्या ८० व्या वर्षी त्यांनी या चित्रपटामध्ये केलेली ही भूमिका रसिकांची दाद मिळवीत विशेष स्मरणात राहणारी असल्याचे निर्माता – दिग्दर्शकांचे म्हणणे आहे.

झी मराठीवरील वरील लागिरं झालं जी या मालिकेतून घराघरात पोहचलेली जयडी म्हणजेच अभिनेत्री किरण ढाणे प्रेक्षकांना लवकरच पुन्हा छोट्या पडद्यावर पहायला मिळणार आहे. किरणने काल तिच्या इन्स्टाग्राम अकाउंटवर २ विडिओ पोस्ट केलेत. या व्हिडिओमध्ये ती मुंबईला येत असल्याचे म्हंटल आहे. तसंच ती का मुंबईला येतेये हे guess करायला सांगितले आहे.

संजय जाधव दिग्दर्शित लकी चित्रपटातून अभिनेत्री दीप्ती सती मराठी चित्रपटसृष्टीत पाऊल ठेवत आहे. आपल्या पहिल्या सिनेमात दीप्ती हॉट बिकिनी लूकमध्ये दिसणार आहे. तिचा हा लूक नुकताच आउट झाला आहे.

स्टार प्रवाहवरील ‘ललित २०५’ या मालिकेला प्रेक्षकांचं भरभरुन प्रेम मिळतंय. या मालिकेत भैरवीची भूमिका साकारणाऱ्या अमृता पवारबद्दलच्या काही खास गोष्टी जाणून घेऊयात.

Advertisement