ब्लॅक एन्ड व्हाइट, गजनी आणि हंटर अशा बॉलीवूडपटांमधून दिसलेली सई ताम्हणकर आता लवकरच तबरेज नुरानी दिग्दर्शित लव सोनिया ह्या इंडो-वेस्टर्न सिनेमामध्ये झळकणार आहे. आपल्या प्रत्येक भूमिकेसोबत समरसून जाऊन चित्रपटाला योग्य न्याय देणारी सई ताम्हणकरने आपल्या ह्या नव्या सिनेमासाठीही भरपूर मेहनत घेतली आहे.

गावाकडची धैर्या, ढुंग्या आणि शहरातला साधा सरळ कबीर यांची धम्मालगिरी आगामी 'बॉईज २' मध्येदेखील दिसून येणार आहे. इरॉस इंटरनेशनल आणि एवरेस्ट इंटरटेंटमेन्ट प्रस्तुत, अवधूत गुप्ते यांच्या सहयोगाने सुप्रीम मोशन पिक्चर्स प्रोडक्शन अंतर्गत प्रदर्शित होत असलेल्या या सिनेमाचा नुकताच सोशल नेट्वर्किंग साईटवर पोस्टर लाँँच करण्यात आला. 'हाईट छोटी आहे, पण फाईट मोठी आहे' असे टॅॅगलाईन असलेल्या या पोस्टरवर 'बॉईज' सिनेमातील तीच अतरंगी पोरं आपल्याला दिसून येतायत. शाळेतून आता महाविद्यालयात गेलेल्या या तिघांच्या चेहऱ्यावर बुक्क्यांचा मार जरी दिसत असला तरी, त्यांची मस्ती अजून काही कमी झाली नसल्याचे, त्यांच्या हास्यातून कळून येते. विशाल देवरुखकर दिग्दर्शित या सिनेमातून सुमंत शिंदे, पार्थ भालेराव आणि प्रतिक लाड प्रेक्षकांसठी पुन्हा एकदा बॉइजगिरीचा डबल धमाका घेऊन येत आहेत.

छोट्या पडद्यावरील 'काहे दिया परदेस' ही मालिका रसिकांना चांगलीच भावली होती. बनारसचा छोरा शिव आणि मराठमोळी गौरी यांची प्रेमकहानी रसिकांच्या पसंतीस पात्र ठरली होती. गौरीची भूमिका साकारणारी सायली संजीवने रसिकांच्या मनात अढळ स्थान मिळवलं होतं. सध्या सायली काय करते हे जाणून घेण्याची रसिकांना उत्सुकता आहे. ती काय करते, तिचा आगामी प्रोजेक्ट काय, सायली सिनेमा करणार की छोट्या पडद्यावर ती परतणार याची रसिकांना उत्सुकता होती. आता प्रतिक्षा संपली आहे कारण सायलीच्या फॅन्ससाठी एक गुडन्यूज आहे. सायली लवकरच ज्येष्ठ अभिनेत्री जया प्रदा यांच्यासह मालिकेत झळकणार आहे. परफेक्ट पती या मालिकेत सायली राजस्थानी मुलगीच्या रूपात रसिकांच्या भेटीला येणार आहे.

कट्टा क्र ३९१ म्हणजे उपस्थित सर्वच प्रेक्षकांसाठी ऊर्जास्रोत्र घेऊन आला. ठाणे महानगरपालिका व दिव्यांग कला केंद्र, ठाणे यांच्या संयुक्त विद्यमाने व संस्थापक किरण नाकती यांच्या संकल्पनेतुन निर्माण झालेल्या दिव्यांग बंधन हा एक नुसताच अनोखा नाही तर प्रत्येक भावा बहिणींना आदर्श वाटणारा रक्षा बंधनाचा कार्यक्रम संपंन्न झाला. रविवारचा कट्टा प्रथेप्रमाणे प्रार्थनेने सुरु झाला. दिव्यांग बंधन कार्यक्रमाला प्रमुख उपस्थिती लाभली ती म्हणजे आपल्या आजवरच्या कारकिर्दितील चढता आलेख कायम ठेवत व गुन्हेगारी जगताचा निर्भीडपणे सामना करीत आपल्या सर्वांचं संरक्षण करणा-या नुकत्याच अतिरिक्त पोलीस आयुक्त (गुन्हेगारी शाखा) ठाणे या पदावर विराजमान झालेल्या मा. श्री. प्रविण पवार यांची. तसेच मुख्यमंत्र्यांच्या स्वीय सहाय्यक पदापासून ते नागपुरच्या सी.ई.ओ या पदापर्यंतचा अतिशय प्रामाणिकपणे प्रवास करणाऱ्या मा. श्री. संजय यादव यांची. तसेच कार्यक्रमाला ठाणे महानगरपालिकेचे उपसमाज विकास अधिकारी श्री. दयानंद गुंडप यांनी सुद्धा हजेरी लावली.

भारतीय चित्रपटसृष्टील आघाडीचे निर्माते, दिग्दर्शक आणि अभिनेते महेश मांजरेकर हे ‘टेक केअर गुड नाईट’मध्ये एका महत्वाच्या भूमिकेत दिसणार आहेत. सामाजिक संदेश देणाऱ्या या चित्रपटाची पटकथा वाचल्यावर त्यांनी स्वतःहून हीच भूमिका करणार असल्याचे लेखक-दिग्दर्शक गिरीश जयंत जोशी यांना सांगून टाकले होते. स्वतःच्या प्रत्येक चित्रपटातून काहीतरी सामाजिक संदेश असावा असा प्रयत्न करणाऱ्या मांजरेकर यांनी सायबर गुन्हेगारीवर भाष्य करणाऱ्या आणि या गुणांमुळे सामाजिक व कौटुंबिक असे कोणते दुष्परिणाम उद्भवतात, हे प्रभावीपणे मांडणाऱ्या अशा या चित्रपटाशी जोडले जाण्याचा म्हणूनच जाणीवपूर्वक निर्णय घेतला.

केरळमध्ये सध्या निसर्गाचा रौद्रावतार पाहायला मिळतोय. गेल्या 100 वर्षातील सर्वात भीषण महापूराचा सामना करणाऱ्या केरळसाठी स्टार इंडिया आणि स्टार प्रवाहने मदतीचा हात पुढे केलाय. केरळमधील सध्याची पूरपरिस्थीत पाहता मदतीची रक्कम 2 कोटींवरुन 5 कोटी इतकी करण्यात आलीय. स्टार इंडिया आणि 21st Century Fox यांच्या पुढाकारातून हा मदतनिधी उभारण्यात आलाय. स्टार इंडियाचे मॅनेजिंग डायरेक्टर के माधवन (MD – South, Star India) यांनी केरळचे मुख्यमंत्री पिनारायी विजयन यांच्याकडे नुकताच 5 कोटींचा मदतनिधी सुपूर्द केला.

Advertisement