मानवी आयुष्य हे सतत अनिश्चिततेच्या झुल्यावर झुलत असतं. पुढच्या वळणावर काय घडेल, कोण भेटेल याचे अंदाज आपण बांधू शकत नाही. पण या अनिश्चितेतही माणसाला सुखावणारे, आनंद देणारे अनेक योगायोग घडत असतात. आयुष्यातला सगळ्यात सुंदर योगायोग म्हणजे... प्रेम! कधीकधी तर हा योगायोग संपूर्ण आयुष्यालाच कलाटणी देतो आणि प्रेमाच्या रेशीमगाठींमध्ये दोन जीवांना कायमच बांधून टाकतो. प्रेमाचा असाच भन्नाट योग जुळून आलेली एक प्रेमकथा 'प्रेम योगायोग' या आगामी मराठी चित्रपटाद्वारे रुपेरी पडद्यावर येऊ घातली आहे. या चित्रपटाचा मुहूर्त नुकताच दिमाखात संपन्न झाला.

झी युवाने नुकत्याच 'सूर राहू दे' आणि 'तू अशी जवळी राहा' २ नवीन मालिका प्रेक्षकांसाठी सादर केल्या. सूर राहू दे मधील प्रमुख भूमिका निभावणारा अभिनेता संग्राम साळवी आणि आम्ही दोघी मालिकेतील अभिनेत्री खुशबू तावडे हे दोघे यावर्षी लग्नबेडीत अडकले. खुशबू आणि संग्राम यांनी लग्न करून त्यांच्या चाहत्यांना एक सुखद धक्का दिला. ही दोघं म्हणजे चाहत्यांची आवडती जोडी आहे आणि ते नेहमीच या दोघांवर प्रेमाचा वर्षाव करतात. थोड्याच दिवसात दिवाळी हा सण सर्वजण आनंदाने साजरा करतील. खुशबू आणि संग्रामाची लग्नानंतरची ही पहिलीच दिवाळी असणार आहे आणि त्यामुळे ती त्यांच्यासाठी तितकीच खास असणार आहे. ते दोघेही त्यांची पहिली दिवाळी कशी साजरी करणार आहेत हे जाणून घेण्यासाठी त्यांचे चाहते अगदी उत्सुक आहेत.

अनिकेत विश्वासराव आणि प्रियदर्शन जाधव पुन्हा एकत्र रुपेरी पडद्यावर झळकणार आहेत. या दोघांची जोडगोळी 'माझ्या बायकोचा प्रियकर' या सिनेमात धमाल करण्यास आणि पुन्हा एकदा प्रेक्षकांचे मनोरंजन करण्यास सज्ज झाली आहे.

मराठीच्या छोट्या आणि मोठ्या पडद्यावरील मालिका तसेच चित्रपटांमधून विठ्ठलावर आधारित अनेक कथानकं सादर झाली आहेत. 'सावळ्या विठ्ठला'वर आधारित असलेल्या या सर्व कलाकृती प्रेक्षकांनादेखील आवडत आहेत. अशा या अखंड विठ्ठलवेड्या महाराष्ट्राच्या प्रेक्षकांसाठी लवकरच एक नवाकोरा सिनेमा प्रदर्शित होणार आहे. 'विठ्ठल' असं या सिनेमाचं नाव असून, दशरथ सिंग राठोर आणि उमेद सिंग राज पुरोहित यांची निर्मिती असलेला हा सिनेमा १४ डिसेंबरपासून संपूर्ण महाराष्ट्राला हरिनामाच्या गजरात तल्लीन करण्यास येत आहे. राजीव रुईया यांचे दिग्दर्शन असलेल्या या सिनेमाचा नुकताच सोशल नेट्वर्किंग साईटवर फर्स्ट लुक लाँच करण्यात आला.

'प्रेम म्हणजे, प्रेम म्हणजे प्रेम असतं... तुमचं आमचं सेम असतं...' ही मंगेश पाडगावकरांची कविता प्रेमवीरांमध्ये प्रसिद्ध आहे. प्रेमात पाडणाऱ्या या कवितेने अनेकांचे 'गॅटमॅट' देखील जुळवून दिले आहे. गोड आणि गुलाबी असणारे हे प्रेम जुळण्यासाठी अनेक मशागती कराव्या लागतात. प्रेमाचे हे 'गॅटमॅट' जुळताना बऱ्याचदा धांदल उडवणारे किस्सेदेखील घडतात. अवधूत गुप्ते प्रस्तुत आणि यशराज इंडस्ट्रीज निर्मित 'गॅटमॅट' हा सिनेमा यासारख्याच मजेशीर किस्स्यांची भेट प्रेक्षकांसाठी घेऊन येत आहे. येत्या १६ नोव्हेंबर रोजी प्रदर्शित होत असलेला हा सिनेमा प्रेमीयुगुलांसाठी पर्वणी ठरणार असून, नुकतेच या सिनेमाच्या ट्रेलरचे मोठ्या दिमाखात अनावरण करण्यात आले. मुंबईतील वरळी येथे पार पडलेल्या या कार्यक्रमात 'गॅटमॅट' सिनेमाच्या संपूर्ण टीमने हजेरी लावली होती.

बऱ्याचदा सिनेमा रिलीज होण्याच्यावेळी त्या सिनेमाचे अभिनेता-अभिनेत्री आपल्या चाहत्यांना काहीतरी चॅलेंज देऊन सिनेमाविषयी उत्सुकता वाढवताना आपण पाहतो. पण संगीतक्षेत्रातली मंडळी फारच क्वचित असे काही नाविन्यपूर्ण चॅलेंजेंस घेऊन येतात. मराठी सिनेसृष्टीतले आघाडीचे गायक रोहित राऊत आणि गायिका जुईली जोगळेकर ह्यांनी एक नवीन चॅलेंज सध्या सोशल मीडियावरून सध्या आपल्या चाहत्यांना आणि सिनेसृष्टीतील मित्र-मैत्रिणींना दिलेले आहे. ’सरगम टंग ट्विस्टर चॅलेंज’ असं ह्या चॅलेंजचे नाव आहे.

Advertisement