सियाचेनपासून अंदमानपर्यंत.. दुबईपासून अमेरिकेपर्यंत पोहोचलेल्या 'मराठी तारका' या कार्यक्रमानं ११ वर्षं पूर्ण केली आहेत. या खास औचित्याने निर्माता, दिग्दर्शक महेश टिळेकर यांची संकल्पना आणि निर्मिती असलेल्या या कार्यक्रमाचा विशेष सोहळा १३ जानेवारीला सायंकाळी ६ वाजता मुंबईतील वर्सोवा मेट्रो स्टेशनजवळच्या मैदानात रंगणार आहे. या सोहळ्याला बॉलिवूडमधील अनेक दिग्गज उपस्थित राहणार आहेत.

अनेक सामाजिक विषय मराठी चित्रपटांतून अतिशय कौशल्याने हाताळले जातात. शेतकऱ्यांच्या समस्या हा अतिशय संवेदनशील विषय आहे. त्या संदर्भात बेजबाबदार समाजव्यवस्थेला खडसाऊन प्रश्न विचारत, त्यांचाविरुद्ध लढा देणाऱ्या एका तडफदार युवकाची कथा ‘आसूड’ या आगामी चित्रपटात दाखवण्यात आली आहे. नुकताच या चित्रपटाचा म्युझिक लाँच सोहळा उत्साहात संपन्न झाला. विशेष म्हणजे हिंदी सिनेसृष्टीतले सुप्रसिद्ध संगीतकार ‘अनु मलिक’ यांनी ‘आसूड’ च्या निमित्ताने पहिल्यांदाच मराठी चित्रपटासाठी संगीत दिले आहे. अनेक मान्यवरांच्या उपस्थितीत राज्याचे गृहराज्यमंत्री मा.डॉ. रणजीत पाटील यांनी चित्रपटाचे संगीत अनावरण केले. चित्रपटाच्या ट्रेलरची आणि गीतांची झलक यावेळी उपस्थितांना दाखवण्यात आली. येत्या ८ फेब्रुवारीला ‘आसूड’ प्रेक्षकांच्या भेटीला येणार आहे.

छोट्या-छोट्या पण वेधक भूमिकांतून प्रेक्षक पसंतीस उतरलेला चार्मिंग चेहेरा म्हणजे निखिल चव्हाण. झी मराठीवरील 'लागिरं झालं जी' मालिकेतून घराघरांत पोहोचलेला हा 'विक्या' चित्रपटांतूनसुद्धा आपली नवी ओळख निर्माण करताना दिसतोय. अलीकडेच आलेल्या 'अॅट्रॉसिटी' या मराठी चित्रपटामधून त्याने 'मनीष चौधरी' नामक खलनायकाची भूमिका साकारली होती. अल्पावधीतच लोकप्रियता लाभलेल्या निखिलची एन्ट्री आत्ता 'स्त्रीलिंग पुल्लिंग' या नव्याकोऱ्या वेबसिरीज मधून झाली आहे. नाटक, मालिका, चित्रपट, वेबीसिरीज असा वाढतच जाणारा निखिलच्या अभिनयकौशल्याचा आलेख वाखाणण्याजोगा आहे.

सस्पेन्स थ्रीलर प्रेमकहाणी असलेल्या 'परफ्युम' या चित्रपटाचं म्युझिक लाँच धमाकेदार सोहळ्यात करण्यात आलं. हा चित्रपट १ मार्चपासून प्रेक्षकांच्या भेटीला येत आहे. उत्सुकता वाढवणाऱ्या कथानकासह श्रवणीय गाणी हे चित्रपटाचं वैशिष्ट्य आहे.अतिरिक्त आयुक्त क्राईम ब्रांच श्री. संदीप कर्णिक आणि विशेष अधिकारी श्री शरद खाडे (आरोग्य, वाहतूक, कामगार आणि राज्य उत्पादन) यांच्या हस्ते कलाकार आणि अन्य मान्यवर मंडळींच्या उपस्थितीत या चित्रपटाचे म्युझिक लाँच करण्यात आले.

कविता लाड मेढेकर हे रसिकांच्या मनावर कायम अधिराज्य गाजवलेली अभिनेत्री. महाराष्ट्राचं लाडकं व्यक्तिमत्त्व. कविता लाड मेढेकर म्हणाल्यावर त्यांचं प्रत्येकजण कौतुकच करतो. इतकं प्रेम आजवरील आपल्या कामांतून, व्यक्तिमत्वातून त्यांनी मिळवलंय. वैवाहिक संसाराच्या काही वचनबद्धतेमुळे त्यांनी सिनेमापासून, नाटकांपासून काही काळ विश्रांती घेतली होती. ही त्यांच्यासाठी एक पोषक विश्रांती ठरली आणि आता त्या पुन्हा अभिनय क्षेत्रात कार्यरत झाल्या आहेत. एकीकडे त्या रंगभूमीवर काम करत असताना त्यांचा “लव यु जिंदगी” हा बहुचर्चित चित्रपट प्रदर्शित होतोय.

"शिवा - एक युवा योद्धा" या सिनेमाचा पोस्टर लाँच सोहळा अनोख्या पद्धतीने करण्यात आला. पारंपरिक पद्धतींचा अवलंब न करता, नुकत्याच झालेल्या पत्रकार दिनाच्या निमित्ताने पहिल्यांदाच पत्रकारांच्या हस्ते सिनेमाचे पोस्टर लाँच करण्याची नवीन संकल्पना सिनेमाच्या टीम कडून राबविण्यात आली. समाजातील सद्य स्थितीचे तठस्थपणे वर्णन करणारे प्रसिद्धी माध्यमांचे प्रतिनिधी यांचे अनन्य साधारण महत्त्व लक्षात घेऊन यंदाच्या पत्रकार दिनाचे नेमके औचित्य साधत एस.जी.एस. फिल्म्स निर्मित 'शिवा' या मराठी सिनेमाचे प्रभावी पोस्टर अनावरण करण्यात आले.

Advertisement