मराठी आणि बॉलिवूड सिनेसृष्टीतली आघाडीची अभिनेत्री सई ताम्हणकर सध्या डिजीटल डिटॉक्सवर आहे. मराठी सिनेसृष्टीत 2018 मध्ये आपले स्टाइलिश लूक्स असोत, की परफॉर्मन्स ओरिएन्टेड फिल्म्स, कुश्ती लीगमध्ये एक टीम विकत घेणे असो किंवा स्टॅंडअप कॉमेडी करणे, ह्या ना त्या कारणाने सई सातत्याने चर्चेत होती. पण आता सई ताम्हणकर सध्या सौशल मीडियापासून पूर्णपणे दूर राहणार आहे.

बी लाइव्ह प्रस्तूत संजय जाधव दिग्दर्शित ‘लकी’ चित्रपट 7 फेब्रुवारीला संपूर्ण महाराष्ट्रात प्रदर्शित झाला आहे. सिनेमा रिलीज झाल्यापासून सध्या कॉलेज तरूणांचा सिनेमाला भरघोस प्रतिसाद मिळत आहे.

सर्वसामान्य मुंबईकराच्या जगण्याचा वेध घेणाऱ्या "डोंबिवली रिटर्न" या चित्रपटाच्या ट्रेलरला अल्पावधीतच प्रेक्षकांकडून उत्स्फूर्त प्रतिसाद मिळाला आहे. केवळ चार दिवसांतच ट्रेलरला सोशल मीडियात मिळालेल्या व्ह्यूजची संख्या २० लाखांहून अधिक झाली आहे. लोकलचे खडखडणारे रूळ... मुंबई महानगरातली प्रचंड गर्दी... त्याबरोबरीनं येणारे प्रश्न... आणि मनातला कोलाहल... "डोंबिवली रिटर्न" जे जातं...तेच परत येतं? या चित्रपटाच्या ट्रेलर मधून हे सगळं वेगवान आणि लक्षवेधी पद्धतीनं मांडण्यात आलं आहे. नुकताच या चित्रपटाचा म्युझिक लाँच सोहळा सुप्रसिद्ध ज्येष्ठ संगीतकार आणि पर्क्यूसिस्टिस्ट तौफिक कुरेशी यांच्या हस्ते मोठ्या दिमाखात कलाकार आणि तंत्रज्ञ मंडळींच्या उपस्थितीत संपन्न झाला.

चित्रपटाची फ्रेम अन फ्रेम बोलती करण्याचं हाती कसब असणाऱ्या संजय जाधवांची अभिनयाची इनींग सध्या जोशात आहे. अनेक मराठी चित्रपटांना आपल्या कॅमेऱ्याच्या लेन्समध्ये उत्तमरीत्या कॅप्चर करणारे सिनेमॅटोग्राफर, 'दुनियादारी' या मराठी चित्रपटाद्वारे बॉक्स ऑफिसवर हाऊसफुल्लची यशस्वी मोहोर उमटवणारे दिग्दर्शक, युवा पिढीला आकर्षित करणारी 'दिल दोस्ती दुनियादारी' सारख्या मालिकांचे ट्रेंडसेटर द वन अँड ओन्ली संजय जाधव हे मराठी मनोरंजन क्षेत्राला लाभलेला एक हुकमी एक्काच म्हणा ना! सिनेमॅटोग्राफी, लेखन, दिग्दर्शन आणि आत्ता अभिनयक्षेत्रातही आपलं लक आजमावण्यासाठी संजय जाधव सज्ज असून आगामी लाडे ब्रोज् फिल्म्स प्रा. लि प्रस्तुत आणि मंगेशकंठाळे दिग्दर्शित 'सूर सपाटा' या मराठी चित्रपटातून पहिल्यांदाच ते एका खलनायकाची भूमिका साकारणार आहेत.

अनेक दिवसांपासून सगळयांना प्रतीक्षा असणाऱ्या 'डोक्याला शॉट' या हटके नाव असलेल्या चित्रपटाचा ग्रँड ट्रेलर नुकताच अभिनेता रितेश देशमुख यांच्या हस्ते लाँच करण्यात आला. मुंबईत संपन्न झालेल्या या सोहळ्यात रितेश देशमुख यांच्यासह कैलाश खेर देखील उपस्थित होते. या कार्यक्रमात ट्रेलर सोबत 'डोक्याला शॉट' चित्रपटाच्या संगीताचेही कैलास खेर यांच्या हस्ते अनावरण करण्यात आले.

ज्येष्ठ अभिनेते रमेश भाटकर यांचे आज मुंबईत निधन झाले. एलिझाबेथ हॉस्पिटल(नेपेन्सी रोड) मुंबई येथे अखेरचा श्वास घेतला. गेले वर्षभर ते कर्करोगाशी झुंज देत होते. गेल्याच वर्षी ९८ व्या मराठी नाट्य संमेलनामध्ये रमेश भाटकर यांचा ‘जीवनगौरव’ पुरस्कार देऊन सन्मान करण्यात आला होता.

Advertisement