'माझ्या नवऱ्याची बायको' या मालिकेमधून ईशा निंबाळकर म्हणून लोकांच्या घराघरात पोहोचलेली अभिनेत्री आदिती द्रविडची नुकतीच वीरांगना ही शॉर्ट फिल्म रिलीज झाली. प्रजासत्ताक दिनाच्या मुहूर्तावर युट्यूबवर आलेली वीरांगना ही शॉर्टफिल्म सीमेवर धारातिर्थी पडणाऱ्या सैनिकांच्या वीरपत्नींविषयीची आहे. ह्या शॉर्टफिल्मला पॅरिसच्या मानाच्या फिक्टिव्हा फिल्म फेस्टिव्हलकडून आमंत्रण आलं आहे. पॅरिस फिक्टिव्हा फेस्टिव्हलमध्ये सिलेक्ट झालेली वीरांगना ही भारतातली एकमेव शॉर्ट फिल्म आहे.

हिंदी आणि मराठी दोन्ही मनोरंजनविश्वात आपल्या अभिनयाने स्वतंत्रपणे नाव कमावलेले हॅन्डसम हंक राकेश बापट आणि ‘स्टार’ची फेवरेट बेटी अनुजा साठे हे दोघे ‘व्हॉट्सॲप लव’ बंधनात अडकणार आहेत. येत्या ५ एप्रिल रोजी त्यांचा ‘व्हॉट्सॲप लव’ हा मराठी चित्रपट प्रदर्शित होणार आहे. हिंदी चित्रपटसृष्टी आणि टेलिव्हीजनवर प्रेक्षकांची पसंती मिळविलेले हे दोन्ही कलाकार मातृभाषा मराठी चित्रपटात पहिल्यांदाच एकत्र झळकणार आहेत.

आजच्या प्रजासत्ताक दिनी "डोंबिवली रिटर्न" या चित्रपटाचा नायक अनंत वेलणकर अर्थात संदीप कुलकर्णी यांची डोबिंवली रेल्वे स्टेशनवर झालेल्या ध्वजारोहण सोहळ्यामध्ये विशेष उपस्थिती लाभली होती. चित्रपटाचे लेखक दिग्दर्शक महेंद्र तेरेदेसाई, निर्माते महेंद्र अटोले डोंबिवली रेल्वे स्टेशनचे स्टेशन मास्तर, सहायक स्टेशन मास्तर, रेल्वे प्रवाशी संघटना, जनरल रेल्वे पोलीस, रेल्वे प्रोटेक्शन फोर्स, उपस्थित होते. त्याशिवाय महत्त्वाची गोष्ट म्हणजे लोकलने दररोज प्रवास करणारे सर्वसामान्य नागरिकही या वेळी उपस्थित होते.

‘सत्या 2’, ‘मन्या दि वंडरबॉय’, ‘332 मुंबई टू इंडिया’, ‘राजवाडे अँड सन्स’ यासारख्या मोजक्या पण गाजलेल्या हिंदी व मराठी चित्रपटांतून महत्त्वाच्या भूमिका करत आपल्या अभिनय कौशल्याने अल्पावधीतच लक्ष वेधून घेणारा मराठी चित्रपटसृष्टीतला देखणा चेहरा म्हणजे अमित्रियान पाटील. ‘आसूड’ या आगामी मराठी चित्रपटातून पुन्हा एकदा आपल्या भेटीला येत आहे. या चित्रपटात एका कणखर रांगड्या शेतकरी युवकाची मध्यवर्ती भूमिका अमित्रियान साकारत आहे.

नवीन वर्षात तुफान, धडाकेबाज आणि जोशपूर्ण असा "शिवा - एक युवा योद्धा" सिनेमा प्रेक्षकांच्या भेटीला येतोय. येत्या १५ फेब्रुवारी २०१९ रोजी संपूर्ण महाराष्ट्रात प्रदर्शित होणाऱ्या या सिनेमाचा म्युझिक आणि ट्रेलर लॉंच सोहळा अनोख्या पद्धतीने पार पडला. पत्रकारिता क्षेत्रातील वरिष्ठ मंडळी लोकमतचे संपादक विनायक पात्रुडकर आणि माझी सहेली मासिकाचे संपादक दीपक खेडकर, एसजीएस फिल्म्स् चे निर्माते व्ही डी शंकरन, डॉ. संजय मोरे आणि गणेश दारख, दिग्दर्शक विजय शिंदे, दमदार आणि कडक अंदाजात भेटीला येणारा शिवा म्हणजेच सिद्धांत मोरे, गीतकार बाबासाहेब सौदागर तसेच चित्रपटातील इतर मान्यवरांच्या उपस्थितीत या 'शिवा' सिनेमाचा संगीत अनावरण सोहळा संपन्न झाला.

देशभक्तीने नुसतंच भारावून न जाता हाती तिरंगा घेऊन वीरगती पत्करणाऱ्या झी मराठीवरील 'लागीरं झालं जी' मालिकेमधील 'फौजी विक्रम' च्या व्यक्तिरेखेला संपूर्ण महाराष्ट्राने प्रचंड लोकप्रियता दिली. फौजी विक्रम उर्फ विक्या उर्फ निखिल चव्हाण या गुणी कलावंताचा सुरु झालेला अभिनयक्षेत्रातील हा प्रवास त्याने साकारलेल्या भूमिकेइतकाच रोमांचकारी आहे. अनेकविध नाटक, मालिका आणि चित्रपटांतून आपल्या भेटीस आलेला निखिल प्रत्येक भूमिकेत समरस होताना दिसतो. अलीकडे आलेल्या त्याच्या 'स्त्रीलिंग पुल्लिंगी' या वेबसिरीजची चर्चा सध्या चांगलीच रंगली असताना, त्याची आणखी एक वेब फिल्म लवकरच आपल्या भेटीस येणार आहे. झी ५ ओरिजनल प्रस्तुत 'वीरगती' या सत्यकथेवर आधारित वेब फिल्म मधून निखिल आपल्याला एका आर्मी ऑफिसरच्या भूमिकेत दिसणार आहे.

Advertisement