देशभक्तीने नुसतंच भारावून न जाता हाती तिरंगा घेऊन वीरगती पत्करणाऱ्या झी मराठीवरील 'लागीरं झालं जी' मालिकेमधील 'फौजी विक्रम' च्या व्यक्तिरेखेला संपूर्ण महाराष्ट्राने प्रचंड लोकप्रियता दिली. फौजी विक्रम उर्फ विक्या उर्फ निखिल चव्हाण या गुणी कलावंताचा सुरु झालेला अभिनयक्षेत्रातील हा प्रवास त्याने साकारलेल्या भूमिकेइतकाच रोमांचकारी आहे. अनेकविध नाटक, मालिका आणि चित्रपटांतून आपल्या भेटीस आलेला निखिल प्रत्येक भूमिकेत समरस होताना दिसतो. अलीकडे आलेल्या त्याच्या 'स्त्रीलिंग पुल्लिंगी' या वेबसिरीजची चर्चा सध्या चांगलीच रंगली असताना, त्याची आणखी एक वेब फिल्म लवकरच आपल्या भेटीस येणार आहे. झी ५ ओरिजनल प्रस्तुत 'वीरगती' या सत्यकथेवर आधारित वेब फिल्म मधून निखिल आपल्याला एका आर्मी ऑफिसरच्या भूमिकेत दिसणार आहे.

चित्रपटसृष्टी ही विलक्षण गोष्ट आहे. कारण इथे अनुभव महत्त्वाचा असतोच पण नव्याची ऊर्जाही तितकीच महत्त्वाची असते. अशीच नवी उर्जा घेऊन ओंकार दीक्षित हा नवा अभिनेता प्रेक्षकांसमोर येत आहे. परफ्युम या चित्रपटातून ओंकार चित्रपटसृष्टीत पदार्पण करतोय.

अभिनेते, दिग्दर्शक, निर्माते अशी ओळख निर्माण करुन आणि चित्रपट, नाटक, टेलिव्हिजन या तिन्ही माध्यमांतून आपल्या बिनधास्त कौशल्याने प्रेक्षकांची मनं जिंकणारी व्यक्ती म्हणजे महेश मांजरेकर. मराठी आणि हिंदी फिल्म इंडस्ट्रीमध्ये महेश मांजरेकरांनी स्वत:च्या मेहनतीने आपले हक्काचे स्थान निर्माण केले आहे. आपल्या मराठी इंडस्ट्रीत महेशजी यांचे नाव आदराने घेतले जाते. त्यांचे व्यक्तिमत्त्व कितीही रोखठोक असले तरी ते शांत स्वभावाचे आहेत. अनेकांना बहुदा त्यांची भितीही वाटत असेल पण महेशजी मनाने खूप प्रेमळ आहेत. ज्या व्यक्तिला मार्गदर्शनाची गरज आहे त्याला योग्य पध्दतीने मार्गदर्शन देणाऱ्या महेशजींनी आतापर्यंत अनेक वेगवेगळ्या भूमिका साकारल्या आहेत. काही भूमिका या गंभीर आहेत तर काही अगदी हलक्या-फुलक्या पण मनोरंजक.

“प्रत्येक व्यक्तीकडे सांगण्यासारखी एक अनोखी गोष्ट असते आणि जर तुम्हांला जगात काही बदल करायचे असल्यास तर सर्वात पहिले तुम्ही तुमची गोष्ट बदलायला हवी”... असा एक महत्त्वपूर्ण संदेश ‘अहिल्या’ या चित्रपटाच्या निमित्ताने अधोरेखित केला जाणार आहे. रेड बल्ब स्टुडियोज प्रस्तुत ‘अहिल्या’ या चित्रपटात ‘अहिल्या पाटील’ या महिला पोलिसचा ‘एक कॉन्सटेबल ते आयपीएस पोलिस अधिकारी’ हा प्रवास दाखवण्यात येणार आहे.

"कॅलेंडर" च्या माध्यमातून नवनवीन विषय साकारायला मिळतात , वेगळं असा काहीतरी चाचपण्याची संधी मिळते.. म्हणून ह्या वर्षी सुद्धा एका "कॅलेंडर"च्या रूपात छायाचित्रांचा एक छोटा संच आणला आहे. सुप्रसिद्ध छायाचित्रकार अविनाश गोवारीकर यांच्या हस्ते या छायाचित्रकार तेजस नेरुरकरच्या "वंदे मातरम् २०१९" कॅलेंडरचे लाँच करण्यात आले. याप्रसंगी अविनाश गोवारीकर ह्यांनी तेजसच्या या संकल्पनेचे भरभरून कौतुक करत पुढील वाटचालीसाठी शुभेच्छा दिल्या."वंदे मातरम्" या गीताने गायिका सायली पंकजने या कार्यक्रमाची सुरुवात केली.

मराठी चित्रपटसृष्टीतील अनेक सितारे १, २ आणि ३ फेब्रुवारी रोजी ठाण्यात क्रिकेट खेळताना दिसणार आहेत. निमित्त आहे ‘महाराष्ट्र सेलेब्रिटी क्रिकेट लिग’ या स्पर्धेचे. ठाणे महानगरपालिकेच्या वतीने नूतनीकरण करण्यात आलेल्या दादोजी कोंडदेव स्टेडियमचे उद्घाटन या स्पर्धेने होणार असल्याची माहिती आयोजकांनी पत्रकार परिषदेत दिली. तसेच या प्रसंगी खासदार डॉ. श्रीकांत एकनाथ शिंदे यांच्या उपस्थितीत मोठ्या उत्साहात स्पर्धेच्या ट्रॉफी आणि थीमसॉंगचे अनावरण करण्यात आले.

Advertisement