‘स्टार प्रवाह’वरील ‘साथ दे तू मला’ या मालिकेच्या सेटवर नुकतंच एक जंगी सेलिब्रेशन पार पडलं. निमित्त्त होतं ते अभिनेत्री सविता प्रभुणे यांच्या वाढदिवसाचं. मालिकेतल्या सहकलाकारांनी आणि सेटवरच्या मंडळींनी केक कापून सविता ताईंचा वाढदिवस सेलिब्रेट केला. ‘साथ दे तू मला’च्या टीमकडून मिळालेलं हे खास सरप्राईज पाहून सविता ताई भारावून गेल्या होत्या.

'फुलपाखरू' मालिकेचा चाहतावर्ग फार मोठा आहे. मानस-वैदेहीचं प्रेम जसं प्रेक्षकवर्गाला आकर्षित करतं त्याचप्रमाणे, या मालिकेचे आणखी एक आकर्षण आहे, ते म्हणजे या मालिकेत चित्रित होत असलेली गाणी! वेगवेगळी रोमँटिक आणि मैत्रीवर आधारित गाणी या मालिकेतून अनेकदा पाहायला मिळाली आहेत. यशोमन आणि हृतावर चित्रित झालेलं आणखी एक नवीन गाणं 'फुलपाखरू' मालिकेत लवकरच पाहायला मिळेल. मंगेश बोरगावकर याने गायलेलं हे गाणं विशाल राणे यांनी लिहिलेलं आणि संगीतबद्ध केलेलं आहे. हे या मालिकेतील अठरावं गाणं आहे. एखाद्या टीव्ही मालिकेत इतकी गाणी असणं हा एक विक्रमच आहे, असं निर्माते, दिग्दर्शक मंदार देवस्थळी यांनी आवर्जून सांगितलं आहे.

बिग बॉस मराठीच्या पहिल्या यशस्वी सीझननंतर, कलर्स मराठी आता घेऊन येत आहे बिग बॉस मराठी कार्यक्रमाचा सीझन दुसरा. पहिल्या पर्वामध्ये सूत्रसंचालनाच्या अनोख्या स्टाईलने ज्यांनी प्रेक्षक आणि सदस्य सगळ्यांचीच मने जिंकली असे आपल्या सगळ्यांचे आवडते महेश मांजरेकर बिग बॉस मराठी सीझन 2 चे सूत्रसंचालन करणार आहेत. महेश मांजरेकर नुकतेच या कार्यक्रमाच्या एका प्रोमोचे शूट करताना दिसले. महेश मांजरेकर या प्रोमोमध्ये राजकीय नेत्याच्या वेशभूषेत दिसणार आहेत. आता हा प्रश्न प्रेक्षकांना नक्कीच प्रेक्षकांना पडू शकतो कि, या वेळेस बिग बॉस मराठीच्या घरामध्ये एखादी राजकीय क्षेत्रातील व्यक्ती तर दिसणार नाही ना!

आपल्या घरी कोणी आजारी पडलं की सर्व घराची एकच धांदल उडते. सर्व कुटुंबीय आजारी माणसाच्या सेवेत गढून जातात. त्यातच पेशंट जर हॉस्पीटलाईझ्ड असेल तर विचारायलाच नको! आपल्या पेशंटसाठी डबा बनवणे आणि घेऊन जाणे, डॉक्टरांनी सांगितलेली औषधे वेळेवर त्याला देणे आणि कोणीतरी सतत त्याच्या जवळ राहून त्याला काय हवे नको ते बघणे हे ओघानेच येते.स्वतःला धीर देत पेशंटलाही धीर द्यावा लागतो. वेगवेगळ्या टेस्ट्स, रिपोर्ट्स, गोळ्या-औषधे या सर्वांमध्ये आपण भांबावून नाही गेलो तर नवलच.

‘स्टार प्रवाह’ वरील बहुचर्चित आगामी मालिका ‘जिवलगा’ ही येत्या २२ एप्रिलपासून सोमवार ते शनिवार रात्री ८.३० वाजता स्टार प्रवाहवर सुरू होणार आहे. आघाडीचे अभिनेते स्वप्नील जोशी सिद्धार्थ चांदेकर हे बऱ्याच वर्षानंतर छोट्या पडद्यावर पुनरागम करत आहेत. तसेच हिंदी आणि मराठी पडदा गाजवणारी अमृता खानविलकर पहिल्यांदाच दैनदिन मालिकेमध्ये अभिनय करताना दिसणार आहे. त्यांच्याबरोबर मधुरा देशपांडे ही गुणी अभिनेत्री या मालिकेत बघायला मिळणार आहे.

कलर्स मराठीवरील एकदम कडक या कार्यक्रमाचा येत्या आठवड्यातील भाग विशेष असणार आहे. कारण कार्यक्रमाच्या मंचावर गप्पा रंगणार आहेत प्रेक्षकांच्या आवडत्या कलाकरांसोबत. अवघ्या महाराष्ट्राच्या मनात अढळ स्थान निर्माण करणारे दिग्दर्शक म्हणजेच नागराज मंजुळे आणि मकरंद माने तसेच संपूर्ण महाराष्ट्राची मने ज्या दोन कलाकरांनी त्यांच्या पहिल्याच चित्रपटामध्ये जिंकली असे रिंकू राजगुरू आणि आकाश ठोसर हे एकदम कडकच्या मंचावर येणार आहेत. तसेच वायाकॉम१८ स्टुडीओज प्रस्तुत आणि मकरंद माने दिग्दर्शित “कागर” हा नवा चित्रपट २६ एप्रिल रोजी प्रेक्षकांच्या भेटीस येत आहे त्यानिमित्ताने या चित्रपटाची संपूर्ण टीम देखील (म्हणजेच चित्रपटाचे निर्माते सुधीर कोलते, विकास हांडे, शशांक शेंडे, रिंकू राजगुरू, चित्रपटाचा नायक शुभंकर तावडे) या कार्यक्रमामध्ये आली होती.

Advertisement