मुलगी सासरी जाताना ‘दिल्या घरी तू सुखी रहा’ असा आशिर्वाद दिला जातो. मुलीने नव्या घरात सुखाने राहावं, सासरच्या मंडळींना आपलंस करावं हा एकमेव हेतू या आशिर्वादामागे असतो. ‘लेक माझी लाडकी’ मधल्या मीराच्या आईला म्हणजेच इरावतीला मात्र हा आशिर्वाद बदलावा लागला आहे. दिल्या घरी तू सुखी रहा नाही तर ‘स्वत:च्या पायावर उभी रहा’ असा आत्मविश्वास इरावतीने मीराला दिलाय.

संगीत सम्राट पर्व दुसरे मध्ये संपूर्ण महाराष्ट्रातील होतकरू गायक आणि संगीतकारांना त्यांची कला सादर करण्यासाठी हक्काचं व्यासपीठ 'संगीत सम्राट पर्व २' ने उपलब्ध करून दिले. दुसऱ्या पर्वाला देखील प्रेक्षकांचे प्रेम आणि उदंड प्रतिसाद दिला. पर्व २ मध्ये कार्यक्रमाच्या रुपरेषेत काही बदल देखील करण्यात आले होते. नादमधुर सह्याद्री, स्वरमय कोकण, सूरसाज विदर्भ आणि लयदार मराठवाडा या टीम्स आणि त्यांचे कॅप्टन्स सावनी रवींद्र, जुईली जोगळेकर, राहुल सक्सेना आणि अभिजीत कोसंबी हे कार्यक्रमात रंगत आणली. नुकतंच या कार्यक्रमाचा महाअंतिम सोहळा पार पडला आणि संगीत सम्राट पर्व २चे विजेतेपद कोकण कन्या या टीमने पटकावले.

नुकतंच 'आम्ही दोघी' मालिकेत प्रेक्षकांनी नवीन मधुरा पाहिली. शिवानी रांगोळे जी मधुराची भूमिका साकारत होती तिला काही कारणास्तव हि मालिका सोडावी लागली आणि तिच्या जागी प्रसिद्धी किशोर ही मधुराची भूमिका निभावतेय. मालिकेत योगायोगाने कलाकारांनी कुछ कुछ होता है या चित्रपटाची झलक सादर केली. विवेक सांगळे, खुशबू तावडे आणि प्रसिद्धी किशोर या तिघांनी मिळून कुछ कुछ होता है चित्रपटातील काही क्षण मालिकेत टिपले.

कलर्स मराठीवरील नवरा असावा तर असा कार्यक्रमामधील हर्षदा खानविलकर यांच्यासाठी लहानपणापासूनच नवरात्रोत्सव खूप खास आणि महत्वाचा आहे. कारण, अनेक वर्षांपासून घरात हा उत्सव साजरा केला जातो. घटस्थापनेपासून ते दसऱ्यापर्यंत एक सात्विक, आनंदमय वातावरण असतं. तसेच आपण आईचा ‘अंबाबाईचा” उत्सव साजरा करतो. ज्या उत्सवाला आईचं स्वरूप आहे त्याच महत्व प्रत्येक माणसाच्या आयुष्यात वेगळं असतं तसच माझ्यासाठी देखील आहे. नवरात्रीचा उद्देश खूप महत्वाचा ठरतो. “चांगल्याचा वाईटावर विजय” हे एक ध्येय आहे आणि खूप मोठी शिकवण आहे. मुळात आपण नवरात्री साजरी करत असताना मनावर हे बिंबवत असतो कि आपल्याला वाईटावर विजय मिळवायचा आहे. खूप स्फूर्ती आणि शक्ती देणारा हा उत्सव आहे अस मला वाटतं.

झी स्टुडिओज प्रस्तुत ‘गुलाबजाम’ या चित्रपटाने त्याच्या प्रदर्शनानंतर बॉक्स ऑफिसवर धूम उडवून दिली. दिग्दर्शक सचिन कुंडलकर हे दिग्दर्शक म्हणून जितके प्रसिद्ध आहेत तितकेच ते खवय्येही आहेत. त्यांच्या या खवय्येगिरीलाच त्यांनी कथेचा तडका देत एक नवी कोरी डिश म्हणजेच एक खमंग चित्रपट प्रेक्षकांच्या भेटीस आणला तो म्हणजे गुलाबजाम. महाराष्ट्रातील तमाम प्रेक्षकांची चित्रपट प्रसारित करणारी एकमेव आवडती वाहिनी 'झी टॉकीज' ही तिच्या लाडक्या प्रेक्षकांसाठी या चमचमीत गुलाबजामची मेजवानी लवकरच सादर करणार आहे.

सोनी एंटरटेनमेंट टेलिव्हिजनवर चांगलाच गाजलेला सुपर डान्सर हा शो मराठीत आणण्यासाठी सोनी मराठी आता सज्ज झाली आहे. महाराष्ट्रातल्या छोट्या उस्तादांसाठीच्या या कार्यक्रमासंबंधी माहिती देण्यासाठी लोअर परेलच्या गेम झोनमध्ये पत्रकार परिषद आयोजित करण्यात आली होती. लहान मुलांसाठी असणाऱ्या सुपर डान्सर महाराष्ट्र या रिऍलिटी शोचा फॉर्मट लक्षात घेता पत्रकारांना त्यांच्या मुलांसोबत या परिषदेला येण्याचं आमंत्रण सोनीकडून देण्यात आलं होतं. यावेळी जमलेल्या छोट्या उस्तांदांनी पत्रकार परिषदेची रंगत वाढवली. या छोट्यांना पाहून सुपर डान्सर महाराष्ट्र चे जजेस् ही चांगलेच आनंदले. यावेळी सुपर डान्सर महाराष्ट्र करताना किती मजा येणार आहे, याचा ट्रेलर पाहायला मिळाल्याचं जजेस् नी म्हटलं.

Advertisement