आनंद, उत्साह आणि जल्लोष यांनी नटलेला क्षण म्हणजे आपल्या लाडक्या गणरायाचं आगमन... या गणेशाच्या आगमनाचा जल्लोष नुकताच साजरा झाला सोनी मराठीच्या ‘उत्सव गणरायाचा, महोत्सव हास्यजत्रेचा’ या पहिल्यावहिल्या दणदणीत कार्यक्रमात. प्रसाद ओक आणि प्राजक्ता माळी यांनी विघ्नहर्त्याच्या साक्षीनी या कार्यक्रमाची सुरुवात केली. त्यानंतर नम्रता आवटे–संभेराव, समीर चौघुले, विशाखा सुभेदार आणि प्रसाद खांडेकर यांच्या साथीनी फुलली हास्यजत्रा. या चौघांच्या जुगलबंदीनी ठाण्याच्या काशिनाथ घाणेकर सभागृहात हास्यस्फोट झाला.

कलर्स मराठीवरील अस्सं सासर सुरेख बाई या मालिकेतील जुई म्हणून मृणाल दुसानिसला प्रेक्षकांनी भरभरून प्रेम दिलं. मृणालचा गोड चेहरा, हास्य आणि अभिनय यामुळे तिने प्रेक्षकांची मने जिंकली. आता ती पुन्हा छोट्या पडद्यावर पुनरागमन करण्यास सज्ज आहे. कलर्स मराठीवरीलच “हे मन बावरे” या मालिकेतून ती पुन्हा प्रेक्षकांच्या भेटीस येणार आहे. “हे मन बावरे” मालिका ९ ऑक्टोबरपासून कलर्स मराठीवर सुरु होत आहे.

स्टार प्रवाहवरील ‘विठुमाऊली’ या मालिकेत लवकरच गणपती बाप्पा अवतरणार आहेत. पुंडलिकाच्या मातृभक्तीचा महिमा त्रिलोकात गाजत आहे. पुंडलिकाची आईवर असणारी श्रद्धा आणि प्रेम कितपत खरं आहे हेच तपासून पाहण्यासाठी गणपती बाप्पांचं आगमन होणार आहे. पुंडलिकाची बाप्पा परीक्षा घेणार आहे. यात बाप्पाच्या आवडीच्या गोष्टी पुंडलिकाला करुन दाखवायच्या आहेत.

झी युवा आपल्या लाडक्या रसिक प्रेक्षकांसाठी 'सूर राहू दे' ही नवी मालिका लवकर सादर करणार आहे. ही मालिका ऑक्टोबर महिन्यात प्रेक्षकांच्या भेटीस येणार आहे. दोन अगदी भिन्न स्वभावाच्या व्यक्तींची ही प्रेमकथा आहे.

झी मराठीवरील 'बाजी' या मालिकेतला बहुरूपी खलनायक शेरा हा त्याचं दुसरं रूप घेऊन पुण्यात परत शिरला आहे. तो आता कुबेरासारख्या श्रीमंत हिरे व्यापाऱ्याचं सोंग घेऊन परत आला आहे. मराठी साम्राज्याला जहिरीला डंख मारायला पुण्यात शिरलाय हा शेरा!

आपल्या समुधूर आवाजाने घराघरात पोहचलेली, कधी स्पर्धक कधी जज म्हणूनही प्रेक्षकांना मंत्रमुग्ध करणारी अशी सुमधूर मधुरा कुंभार आता झी युवा वरील संगीत सम्राट या कार्यक्रमात हुकुमी एक्काची भूमिका बजावत आहे. आपल्या पहिल्याच सादरीकरणात तिने जजेसची दाद मिळविली व आपल्या सहकारी स्पर्धकालाही आश्‍वस्त केले. कारण हुकुमी एक्क्याच्या परफॉर्मन्सवर निकाल अवलंबून आहे.

Advertisement