फुलपाखरू या मालिकेने प्रेक्षकांच्या मनावर अधिराज्य गाजवलं आणि बघता बघता मालिकेने १ वर्षाचायशस्वी प्रवास पूर्ण केला. कॉलेजच्या दिवसातील मानस आणि वैदेहीचं निरागस प्रेम, त्यांच्या नात्यातील उतार चढाव आणि त्यांची एकमेकांना असलेली साथ हे सर्वच प्रेक्षकांना भावलं आणि आता त्यांचे आवडते मानस आणि वैदेहीआता लग्नबेडीत अडकणार आहेत. दोन्ही कुटुंबांच्या संमत्तीने आता लग्नाची तयारी पुढे नेण्यात आली आहे तसेच लग्नाचा मुहूर्त लवकरच असल्यामुळे दोन्ही घरात लगीनघाई सुरु आहे. लग्नाचं घर म्हणजे सतराशे साठ कामे आणि सर्वच मोठी तयारी म्हणजे लग्नाची खरेदी. घरातील मंडळी आणि मित्रपरिवार सजावट आणि इतर समारंभाची तयारी करत असताना मानस आणि वैदेही लग्नाची खरेदी उरकण्याची लगबग करत आहेत.

बिग बॉस मराठी या कार्यक्रमाची धमाकेदार सुरुवात तीन महिन्याआधी कलर्स मराठी वाहिनीवर झाली. कार्यक्रमाच्या घोषणेपासूनच या कार्यक्रमामध्ये कोण कोण असेल, कोण याचे सूत्रसंचालन करेल आणि मुख्य म्हणजे पहिल्या पर्वाचा विजेता कोण असेल याची उत्सुकता शिगेला पोहचली होती. महाराष्ट्राच्या लाडक्या वाहिनीने बिग बॉस या कार्यक्रमाचे मराठमोळं रूपं प्रेक्षकांच्या भेटीस आणले. या पर्वाला प्रेक्षकांनी उदंड प्रतिसाद दिला, भरपूर प्रेमं दिले. कार्यक्रम सुरु होताच प्रत्येक सदस्याने प्रेक्षकांची मने जिंकण्यास, त्यांच्या मनामध्ये एक विशेष स्थान मिळविण्यास सुरुवात केली. प्रत्येक घरात, देशाच्या कानाकोपरामध्ये फक्त बिग बॉस मराठीची चर्चा रंगत गेली. आपल्या अस्सल मराठमोळ्या बिग बॉस पहिल्या सिझनमध्ये सदस्य १०० दिवस अनेक कॅमेरांच्या नजरकैदेत राहिली. बिग बॉस मराठीच्या पहिल्या पर्वाचा महाअंतिम सोहळा नुकताच लोणावळा येथे पार पाडला. स्पर्धक आणि प्रेक्षक सगळ्यांनाच माहिती होते विजेता कोणी एकच असणार आहे. आणि शेवटी तो क्षण आला ज्याची वाट संपूर्ण महाराष्ट्र पहात होता, महाराष्ट्राला बिग बॉस मराठीच्या पहिल्या पर्वाचा विजेता मिळाला. मेघा धाडे ठरली बिग बॉस मराठीच्या पहिल्या पर्वाची विजेती तर पुष्कर जोगने पटकावले दुसरे स्थान. मेघा धाडेला १८ लाख ६० हजार इतकी धनराशी मिळाली आणि खोपोली येथे Nirvana Leisure Realty सिटी ऑफ म्युझिक कडून एक घर.

कलर्स मराठीवरील बिग बॉस मराठीचा GRAND FINALE रंगणार आज संध्या ७.०० वाजल्यापासून कलर्स मराठीवर. आज संपूर्ण देशाला मिळणार बिग बॉस मराठीच्या पहिल्या पर्वाचा विजेता. सहा सदस्यांपैकी आज कोणी एकच बाजी मारणार. सई, पुष्कर, स्मिता, आस्ताद, शर्मिष्ठा आणि मेघा यांचे आज धम्माकेदार डान्स प्रेक्षकांना बघायला मिळणार आहे. मेघा - शर्मिष्ठा पिंगा वर ठेका धरणार तर सई - पुष्कर चांद मातला या गाण्यावर डान्स करणार आहेत. तर आस्ताद - स्मिता आली ठुमकत नार या गाण्यावर डान्स सादर करण्यात येणार आहेत. तसेच रेशम टिपणीस, जुई - ऋतुजा, राजेश, सुशांत आणि विनीत यांचा धम्माकेदार डान्स बघायला मिळणार आहे.

संपूर्ण महाराष्ट्र काय तर जग ज्या दिवसाची वाट मोठ्या आतुरतेने पाहत होता तो क्षण आला. अवघ्या दोनच दिवसात प्रेक्षकांना कळणार बिग बॉस मराठीच्या पहिल्या पर्वाचा पहिला विजेता. GRAND FINALE म्हणजे धम्माकेदार होणार यात वादच नाही. ज्या कार्यक्रमाची सुरुवातच मुळी इतक्या जोश्यात झाली त्याची सांगता पण तशीच होणार हे तर नक्की. GRAND FINALE ची तयारी सुरु झाली असून बिग बॉस मराठीच्या घरामधून जे स्पर्धक बाहेर पडले ते देखील यामध्ये सहभागी असणार आहेत. अंतिम फेरीमध्ये ६ स्पर्धक पोहचले असून कोण विजेता ठरणार याची उत्सुकता सगळ्यांनाच लागून राहिली आहे. आज WEEKEND चा डाव मध्ये काय होणार ? कोणते सरप्राईझ मिळणार ? कोणते performance बघायला मिळणार ? हे बघायला विसरू नका आज रात्री ९.३० वा. फक्त कलर्स मराठीवर.

कलर्स मराठीवरील बिग बॉस मराठी या कार्यक्रमामध्ये बिग बॉस यांनी काल पुष्कर, सई, शर्मिष्ठा या सदस्यांना त्यांच्या घरातील प्रवासाची झलक दाखवली. पुष्कर यांनी आपल्या सिनेमामध्ये सुपरहिरोचे काम केले पण तो खऱ्या आयुष्यामध्ये देखील सुपरहिरो आहे हे त्याने त्याच्या बिग बॉस मराठीच्या घरातील प्रवासाने सिद्ध केले. प्रत्येकवेळी पुष्कर त्याने त्याचा सर्वोत्तम खेळ खेळला. पण तरीही कॅप्टनसीने तीनवेळा हुलकावणी दिली. पण तरीही तो कधीही न खचला नाही आणि त्याने त्याचा खेळ सुरु ठेवला. मित्रांना, मोठ्यांना, स्त्रियांना आदर दिला, तसेच या घरामधील पुष्करच्या प्रवासातील काही महत्वाच्या गोष्टी देखील त्याच्या AV मध्ये प्रेक्षकांना बघायला मिळाल्या.

‘स्वराज्यरक्षक संभाजी’ या मालिकेने आजवर संभाजी महाराजांच्या जीवनावरील महत्त्वाच्या घडामोडींसोबतच बारीकसारीक प्रसंगांवर प्रकाश टाकत खरा इतिहास सादर करण्याचं काम केलं आहे. यात काही नावीन्यपूर्ण वाटाव्यात अशा घटनांचा उलगडाही प्रेक्षकांना होतो आहे.

Advertisement