प्रेक्षकांची क्षणाक्षणाला उत्कंठा वाढवणारा शंभूराजे आणि दिलेरखानाच्या भेटीचा प्रसंग अखेर प्रेक्षक प्रसंग येत्या रविवारी झी मराठीवर प्रसारित होणाऱ्या ‘स्वराज्य रक्षक संभाजी’ मालिकेच्या १ तासाच्या विशेष भागात पाहू शकणार आहेत. शंभूराज दिलेरखानाकडे श्री क्षेत्र माहुली इथून नदी ओलांडून गेले अशी इतिहासात नोंद आहे. ‘स्वराज्य रक्षक संभाजी’ मालिकेच्या टीमनेही त्याच ठिकाणी या प्रसंगाचे चित्रीकरण अथक परिश्रम घेत झटून आणि जिद्दीने पूर्ण केले. हा सुवर्णयोगच म्हणावा लागेल. ३४० वर्षांपूर्वी जिथे भेट घडली होती म्हणजेच श्री क्षेत्र माहुली येथे जाऊन चित्रीकरण करण्यात आले आहे.

कलर्स मराठीवरील बिग बॉस मराठीच्या घरामध्ये काल रंगले आरोप – प्रत्यारोप हे कार्य रंगले. घरातील सदस्यांवर कधी महेश मांजरेकरांनी, कधी सदस्यांनी तर कधी प्रेक्षकांनी बरेच आरोप लावले. पण, बिग बॉस यांनी काल सदस्यांना त्यांच्यावरचे आरोप खरे आहेत कि खोटे हे इतर सदस्यांना आणि प्रेक्षकांना पटवून देण्याची संधी दिली. टिकीट टू फिनाले हे मिळविल्यानंतर फाईनलिस्ट पुष्कर या कार्यामध्ये न्यायाधीश आणि आस्ताद आरोपी विरोधाचा वकील बनला. ज्यामध्ये मेघावर बरेच आरोप केले गेले. ज्यामुळे मेघा, पुष्कर आणि सई मध्ये बरेच वाद झाले. कार्यानंतर बिग बॉस यांनी फाईनलिस्टची नावं घोषित केली. ज्यामध्ये सईचे नाव न घेतल्याने पुष्कर, मेघा आणि सईला खूप मोठा धक्का बसला. परंतु थोड्यावेळातच बिग बॉस यांनी बिग बॉस मराठीच्या पहिल्या पर्वामध्ये सहा फाईनलिस्ट असतील असे घोषित केले आणि सगळ्यांनीच घरामध्ये त्यांना झालेला आनंद व्यक्त केला. आज बिग बॉस मराठीच्या घरामध्ये रंगणार पत्रकार परिषद. ज्यामध्ये सदस्य देणार पत्रकारांच्या प्रश्नांची उत्तरे. हे बघायला विसरू नका बिग बॉस मराठीमध्ये सोम ते शनि रात्री ९.३० वा. कलर्स मराठीवर.

कलर्स मराठीवरील बिग बॉस मराठीच्या घरामध्ये आज देखील रंगणार “मस्ती कि पाठशाला” हे कार्य. ज्यामध्ये काल सई आणि आस्ताद शिक्षकाच्या भूमिकेत दिसले. आज देखील हा टास्क घरामध्ये खेळला जाणार आहे. अंदाजे तीन महिने एकत्र राहिल्यानंतर प्रत्येकजण एकमेकांकडून काहीना काही शिकले आहेत. बिग बॉस मराठीच्या घरामध्ये सदस्यांनी शाळेसारख्या अनेक गोष्टी शिकल्या. शाळा म्हंटल कि, वर्गामध्ये दबदबा असलेला monitor, पहिल्या बाकावर बसणारी हुशार मुलं, शेवटच्या बेंचवर बसणारी दंगा घालणारी मुलं, असे नानाविध प्रकारचे विद्यार्थी असतात. या टास्कमध्ये काही सदस्य विद्यार्थी तर काही सदस्य शिक्षक बनले आहेत. काल सदस्यांनी बरीच धम्माल मस्ती केली आणि आज देखील करणार आहेत हे नक्की. सई आणि आस्ताद काल शिक्षक बनले होते. आज या टास्कमध्ये घरातील सदस्य काय मज्जा मस्ती करणार हे बघायला विसरू नका बिग बॉस मराठी मध्ये सोम ते शनि रात्री ९.३० वा. कलर्स मराठीवर.

स्टार प्रवाहवरील गोठ मालिकेत आता नवं वळण पाहायला मिळणार आहे. विलास आणि राधा यांच्या नात्यात नीलाच्या रुपानं अडथळा निर्माण झाला आहे. नीलाची विचित्र अट मान्य केल्यानंतर आपली गोड बातमी राधा विलासला कशी सांगेल असा प्रश्न निर्माण झाला आहे.

कलर्स मराठीवरील बिग बॉस मराठीच्या घरामधून रेशम टिपणीस घराबाहेर पडली. बिग बॉस यांनी दिलेल्या विशेष अधिकारानुसार रेशमने आस्तादला या आठवड्यामधील नॉमिनेश मधून वाचविले. आणि त्यामुळे पुष्कर बरोबर आता आस्ताद देखील बिग बॉस मराठीच्या पहिल्या पर्वाच्या अंतिम फेरीमध्ये पोहचला. आज बिग बॉस मराठीच्या घरामध्ये काही सदस्य विद्यार्थी तर काही सदस्य शिक्षक यांच्या भूमिकेमध्ये दिसणार आहेत. काय असणार आहे हा टास्क ? काल महेश मांजरेकर यांनी घोषित केले कि कोणी एक सदस्य या आठवड्यामध्ये घराबाहेर जाणार आहे. कोण होईल नॉमिनेट ? कोण पडेल घराबाहेर ? हे बघायला विसरू नका बिग बॉस मराठी मध्ये सोम ते शनि रात्री ९.३० वा. कलर्स मराठीवर.

कलर्स मराठीवरील बिग बॉस मराठीच्या घरामध्ये आता सदस्यांनी प्रत्येक टास्क, नॉमिनेशन खूपच सिरीयसली घ्यायला सुरुवात केली आहे. स्पर्धकांसाठी हा शेवटचा आठवडा असल्याने खूप कठीण असणार आहे हे नक्कीच. पुष्करला या आठवड्यामध्ये टिकीट टू फिनाले मिळाल्यामुळे तो बिग बॉस मराठीच्या पहिल्या पर्वामधील महाअंतिम फेरीमध्ये पोहचलेला पहिला स्पर्धक ठरला आहे. या आठवड्यामध्ये आस्ताद, स्मिता आणि रेशम मधून कोण घराबाहेर पडेल हा प्रश्न सगळ्यांनाच पडला होता. बिग बॉस मराठीच्या घरामध्ये असलेल्या सगळ्याच स्पर्धकांमध्ये आता अंतिम फेरीमध्ये जाण्यासाठी चुरस रंगलेली दिसत आहे. दर आठवड्याप्रमाणे या आठवड्यामध्ये देखील ज्या सदस्याला कमी मतं मिळाली त्याला बाहेर जाणे अनिवार्य होते. या आठवड्यामध्ये बॉस मराठीच्या घरामधून रेशम टिपणीसला घराबाहेर जावे लागले आहे. तेंव्हा आता पुढील आठवडा स्पर्धक आणि प्रेक्षकांसाठी खूपच रंजक असणार आहे. तेंव्हा बघायला विसरू नका बिग बॉस मराठी सोम ते शनि रात्री ९.३० वा. फक्त कलर्स मराठीवर.

Advertisement