कलर्स मराठीवरील नुकतीच सुरु झालेली लक्ष्मी सदैव मंगलम् ही मालिका सध्या बरीच चर्चेमध्ये आहे. विशेषकरून प्रेक्षकांन प्रत्येक भागामध्ये दिसणारे गावाचं सौंदर्य आणि मालिकेमधील कलाकार यामुळे. त्या गावामध्ये वाढलेली अवखळ, लाघवी प्रेमळ अशी लक्ष्मी म्हणजे समृद्धी केळकर प्रेक्षकांच्या विशेष पसंतीस उतरत आहे. सध्या या मालिकेमध्ये मल्हार म्हणजेच ओमप्रकाश, आर्वी म्हणजेच सुरभी हांडे प्रेक्षकांना मुख्य भूमिकेत दिसत आहेत यांना देखील प्रेक्षकांची पसंती मिळत आहे. प्रेक्षकांना या व्यतिरिक्त मालिकेमधील अजून एक पात्र आवडत आहे आणि ते म्हणजे बाब्या.

कलर्स मराठीवरील बिग बॉस मराठीच्या घरामध्ये काल रंगला WEEKEND चा डाव महेश मांजरेकर यांच्यासोबत. काल बिग बॉस मराठीच्या घरामधून कोणीच घराबाहेर जाणार नव्हते परंतु, हे फक्त प्रेक्षकांना माहित असून घरातील सदस्य या गोष्टीस अनभिज्ञ होते. त्यामुळे काल आरोपीच्या पिंजऱ्यामध्ये सुशांत, सई आणि मेघा आले. मेघाने रेशम आणि बाकीच्या सदस्यांच्या मनामध्ये असलेल्या आणि बोलून दाखवलेल्या बऱ्याच गोष्टींची उत्तरे दिली आणि स्पष्ट केल्या. त्यानंतर सुशांत, सई आणि मेघा हे तिघे डेंजर झोनमध्ये असल्याचे सांगितले. सुशांत सुरक्षित असून मेघा आणि सई मधून कोणी एक या आठवड्यामधून घराबाहेर जाणार असून सई सुरक्षित आणि मेघाला जावे लागणार असे सांगितले. त्यामुळे पुष्कर, आऊ आणि सई या सगळ्यांच रडू कोसळले. परंतु काही वेळानंतर महेश मांजरेकर यांनी सगळ्यांनाच आश्चर्याचा धक्का दिला. आणि या आठवड्यामध्ये कोणीही घराबाहेर जाणार नसल्याचे सांगितले. त्यामुळे मेघा आणि बाकी सगळे देखील खुश झाले. परंतु या निर्णयाने आज कोणामध्ये वाद होणार ? कोणाला ही गोष्ट रुचली नाही ? हे बघायला मिळणार आहे. तसेच बिग बॉस मराठीच्या घरामध्ये सदस्यांना बिग बॉस आज एक टास्क देखील देणार आहेत. तेंव्हा बघायला विसरू नका बिग बॉस मराठी सोम ते शनि रात्री ९.३० वा. आणि रवी ९ वा. फक्त कलर्स मराठीवर.

कलर्स मराठीवरील बिग बॉस मराठीमध्ये काल रंगला WEEKEND चा डाव महेश मांजरेकर यांच्यासोबत ज्यामध्ये त्यांनी घरातील सदस्यांसोबत झालेल्या टास्कविषयी चर्चा केल्या, सदस्यांच्या चुका देखील दाखवून दिल्या. तसेच बिग बॉस मराठीच्या घरामधील व्हिलन सदस्यांनाच ठरवायला सांगितल्यास काहींनी सुशांतला तर त्यांनी काहींनी आस्तादला तर काहींनी सई, मेघा आणि स्मिताला ठरवले. परंतु सगळ्यात जास्त सदस्यांना आस्ताद बिग बॉस मराठीच्या घरातील व्हिलन वाटत असल्याने त्याला व्हिलन साठी असलेल्या विशेष खुर्चीत बसावे लागले. सुशांत आणि आस्तादला त्यांच्या टास्क मध्ये झालेल्या चुका आणि त्यांच्या चुकीच्या वागणुकीबद्दल देखील सल्ले दिले तसेच ते कार्यक्रमामध्ये चांगले दिसत नसल्याचे देखील बजावले. या सल्ल्यानंतर सुशांत आणि आस्ताद किती बदलतात हे लवकरच कळेल. तेंव्हा बघायला विसरू नका आज WEEKENDचा डाव महेश मांजरेकर यांच्यासोबत रात्री ९.३० वा. फक्त कलर्स मराठीवर.

कलर्स मराठीवरील बिग बॉस मराठीच्या घरातील सदस्यांनी सर्वानुमताने सुशांत आणि मेघाला कॅप्टनसीसाठी उमेदवार म्हणून निवडले. बिग बॉस यांनी “हुकमी चौकट” हे कॅप्टनसीचे कार्य घरतील सदस्यांवर सोपावले. ज्यामध्ये उमेदवारांच्या सहनशीलतेची कसोटी लागली. टीम मेघा आणि टीम सुशांत यांना युक्तीद्वारे आणि चालाखीने चांगलीच लढत दिली. सुशांत आणि मेघामध्ये कोण घराचा नवा कॅप्टन बनणार ? कोण कॅप्टनसीच्या टास्कमध्ये बाजी मारणार हा प्रश्न प्रत्येकाच्याच मनामध्ये होता. या दोन्ही उमेदवारांना त्यांची जागा टिकवून ठेवण्याचा प्रयत्न करायचा होता. तसेच प्रतिस्पर्धी उमेदवाराला त्याच्या जागेवरून हटवण्याचा प्रयत्न दुसऱ्या टीममधील समर्थकांनी करायचा होता. तसेच प्रतिस्पर्धी उमेदवारांच्या समर्थकांपासून आपआपल्या उमेदवाराचे रक्षण करण्याचा प्रयत्न त्या उमेदवाराचे समर्थक करणार होते. प्रतिस्पर्धी समर्थकांनी दुसऱ्या टीमच्या उमेदवाराला चौकटीच्या कुठल्याही बाजूने खाली उतरण्यास भाग पाडायचे असून हाच समर्थकांचा उद्देश होता. ज्यामध्ये रेशम, आस्ताद म्हणजेच टीम सुशांत यांनी कार्याचा नियम तोडून मेघाला चौकटीच्या बाहेर पाडले त्यामुळे बिग बॉस यांनी सुशांत नव्हे तर मेघावर बिग बॉस मराठीच्या घराचा नवा कॅप्टन म्हणून जबाबदारी सोपावली. तर काल बिग बॉस मराठीच्या घरामध्ये वाइल्ड कार्ड एन्ट्रीद्वारे त्यागराज खाडिलकर यांची एन्ट्री झाली. तेंव्हा बघायला विसरू नका आज WEEKEND चा डाव महेश मांजरेकर यांच्यासोबत रात्री ९.३० वा. फक्त कलर्स मराठीवर.

गुलमोहर या प्रेक्षकांच्या आवडत्या मालिकेमध्ये वेगवेगळ्या सुंदर हृदयस्पर्शी कथा सादर केल्या जातात. प्रेमाला वयाचं बंधन नसतं असं म्हणतात ते अगदीच खरं आहे. प्रेम आणि नातं यांचं हळुवार उलगडणार कोडं म्हणजे गुलमोहर. या मालिकेने आता पर्यंत त्यातील अप्रतिम गोष्टींद्वारे प्रेक्षकांचे मनोरंजन केले आहे. यावेळी गुलमोहर 'बोक्या' या आगामीकथेतून ९०च्या दशकातील एका मस्तीखोर पण तितक्याच लाघवी व्यक्तिरेखेला उजाळा देणार आहे. बोक्या सातबंडेच्या ५ कथा प्रेक्षकांसाठी सादर केल्या जाणार आहेत.

कलर्स मराठीवरील बिग बॉस मराठीच्या घरामध्ये प्रेक्षकांना तसेच घरामधील सदस्यांना एकानंतर एक सरप्राईझ मिळत आहे. बिग बॉसच्या घोषणेनुसार हर्षदा खानविलकर यांनी काल बिग बॉस मराठीचे घर सोडले, त्या घरामध्ये फक्त सात दिवसांच्या पाहुण्या होत्या असे बिग बॉस यांनी सदस्यांना सांगितले. हे ऐकताच सगळ्यांना धक्का बसला. हर्षदा ताई बरोबर बाकीचे सदस्य देखील खूप भाऊक झाले. तर काल घरामध्ये “SR” म्हणजे कोण ? याचे कोडे उलघडले. बिग बॉस यांनी शर्मिष्ठाचे घरामध्ये स्वागत करताच सदस्यांना आनंद झाला. तेंव्हा या नव्या सदस्याच्या येण्याने बिग बॉस मराठीच्या घरामध्ये काय काय बदलणार ? कोण कोणाच्या बाजूने उभे रहाणार ? या गोष्टीची उत्सुकता असतानाच आता बिग बॉस मराठीच्या घरामध्ये जाण्यासाठी सज्ज आहेत त्यागराज खाडिलकर.

Advertisement