कलर्स मराठीवरील लक्ष्मी सदैव मंगलम् मालिकेमधील लक्ष्मी म्हणजेच समृद्धी केळकरने नवरात्री बद्दल काही गोष्टी सांगितल्या. गणपती नंतर येणारा आणि तोही उत्साहात साजरा केला जाणारा सण म्हणजे नवरात्रौत्सव. नवरात्रात देवीची नऊ दिवस उपासना केली जाते. ह्या नऊ दिवसात सगळीकडेच उत्साहाचे वातावरण असते. श्रद्धेने उपवास धरून जप करत सेवेत रुजू होतात. नऊ दिवसांच्या नऊ माळा असतात, घटस्थापना करतात. मी वेळ काढून देवीच्या दर्शनाला दर नवरात्री मध्ये जाते. मला अजून आठवते पूर्वी जिथे गरबा आणि डांस संबंधीत स्पर्धा आयोजित केल्या जायच्या तेंव्हा मी तिथे आवर्जून जायचे तिथे मला बरीच बक्षीस देखील मिळाली आहेत. मी लहानपणापासून डांस शिकते त्यामुळे मला कुठल्याही प्रकारचा डांस करायला आवडते. कुठल्याही प्रकारचे नृत्य हा माझा जिव्हाळ्याचा विषय आहे. तसेच मालिकेतील आर्वी म्हणजेच सुरभी नवरात्रीमध्ये उपवास ठेवते.

स्टार प्रवाहवरील ‘विठुमाऊली’ या मालिकेत रुक्मिणी देवींच्या नऊ रुपांचं दर्शन प्रेक्षकांना घडणार आहे. कलीला त्याच्या कुकर्मांचं प्रायश्चित देण्यासाठी रुक्मिणीदेवी नऊ रुपं धारण करणार आहेत. विठुमाऊली आणि रुक्मिणीदेवींच्या दिव्यत्वाची प्रचिती मालिकेच्या प्रत्येक भागांमधून होत असते. नवरात्री विशेष भागांमधूनही स्त्री शक्तीचं विराट दर्शन प्रेक्षकांना घडेल.

कलर्स मराठीवरील अस्सल पाहुणे इरसाल नमुने या कार्यक्रमाद्वारे प्रेक्षकांना मराठी आणि हिंदी मनोरंजन क्षेत्रातील, समाज सेवेमध्ये कार्यरत असलेले, राजकारण, क्रीडा या क्षेत्रातील महाराष्ट्रातील नावाजलेल्या मंडळींसोबत मकरंद अनासपुरे मनमोकळ्या गप्पा मारत आहेत. किशोर चौघुले, प्राजक्ता हनमघर, भूषण कडू, ओंकार भोजने हे काही इरसाल पात्र या कार्यक्रमाची रंगत अजूनच वाढवत आहेत. या लोकप्रिय मंडळींची एक दुसरी बाजू प्रेक्षकांना या कार्यक्रमाद्वारे बघण्याची संधी मिळत आहे. कलर्स मराठी या महाराष्ट्राच्या लाडक्या वाहिनीने बिग बॉस या कार्यक्रमाचे मराठमोळ रूपं प्रेक्षकांच्या भेटीस आणले होते. या पर्वाला प्रेक्षकांनी उदंड प्रतिसाद दिला, भरपूर प्रेमं दिले. कार्यक्रम सुरु होताच प्रत्येक सदस्याने प्रेक्षकांची मने जिंकण्यास, त्यांच्या मनामध्ये एक विशेष स्थान मिळविण्यास सुरुवात केली होती. प्रत्येक घरात, देशाच्या कानाकोपरामध्ये फक्त बिग बॉस मराठीची चर्चा रंगत गेली. याच पहिल्यावहिल्या पर्वाची पहिली विजेती मेघा धाडे, तसेच उषा नाडकर्णी, रेशम टिपणीस, सई लोकूर, स्मिता गोंदकर यांनी हजेरी लावली. या कार्यक्रमामध्ये बिग बॉसच्या या बिनधास्त सदस्यांनी पहिल्यांदाच बेधडक खुलासे केले आहेत. तेंव्हा बघायला विसरू नका अस्सल पाहुणे इरसाल नमुने याचा बिग बॉस मराठी महिला विशेष भाग या आठवड्यामध्ये गुरु – शुक्र रात्री ९.३० वा. फक्त कलर्स मराठीवर.

बाळूमामाच्या नावानं चांगभल या मालिकेच्या निमित्ताने पहिल्यांदाच संत बाळूमामा यांच जीवनकार्य प्रेक्षकांना बघायला मिळत आहे. मालिकेमध्ये गेल्या काही महिन्यांपासून बऱ्याच घटना घडत आहेत. बाळूबद्दल येणाऱ्या सततच्या तक्रारींना कंटाळून त्याच्या आईने बाळूकडून घरामधून बाहेर न पडण्याचं वचन घेतलं. पण, ह्याच वेळी गावावर अनेक संकट आली. पण आईच्या वचनात बांधलेला बाळू मात्र काहीच करू शकला नाही. याचाच फायदा घेऊन पंच मात्र गावात घडणाऱ्या गोष्टींच खापर बळूवर फोडतो.

सोनी मराठी वाहिनीवर महाराष्ट्राच्या वैभवाचं गुणगान करणाऱ्या गर्जा महाराष्ट्र या चित्रपटाचे सूत्रसंचालक जितेंद्र जोशी यांच्या ‘बघतोस काय... मुजरा कर!’ या सिनेमाचा वर्ल्ड टेलिव्हिजन प्रिमियर सोनी मराठीवर होणार आहे. 

प्रेमाला शब्दाची नाही तर नजरेची भाषा कळते. म्हणूनच मनं जुळायला एक क्षणही पुरेसा असतो असं म्हणतात. प्रेम ही अत्यंत सुंदर आणि हवीहवीशी वाटणारी भावना आहे. बऱ्याच जणांना मैत्रीत प्रेमं गवसतं, तर काहींना एका नजरेत, पण काहींच्या बाबतीत मनं जुळायला एक क्षणही पुरेसा असतो. आयुष्य आणि क्षणाचं नातं हे खूप जवळच आहे. एक क्षण आयुष्याला अर्थ देतो... क्षणात नाती जोडली जातात, क्षणात आयुष्य बहरत, क्षणात जीव जडतो... परीस जसं लोखंडाचं सोनं करतो तसच मनं जुळवणारा हा एक क्षण आयुष्याचं सोनं करतो. हा क्षण माणसाच्या आयुष्यभर लक्षात रहातो. या क्षणामध्ये असीम किमया असते ज्यामुळे आपण क्षणार्धात व्यक्तीच्या प्रेमात पडतो आणि संपूर्ण आयुष्य बदलून जातं.

Advertisement