महाराष्ट्राला पुरोगामी विचारांची मोठी परंपरा लाभलेली आहे. इथल्या प्रबोधनाच्या परंपरेचे दाखले देण्यासाठी फुले-शाहू-आंबेडकर यांच्या दुरदृष्ट्या आणि आधुनिक विचारांचा आधार घेतला जातो. अगदी याप्रमाणेच छत्रपती शिवाजी महाराज यांनीही सर्वांना समानतेची वागणूक मिळेल अशा स्वराज्याची स्थापना केली होती. आज या महामानवांच्या विचारांचा वारसा पुढे नेण्याचं काम अनेक मंडळी वेगवेगळ्या माध्यमातून करत आहेत. कुणी सामाजिक कार्याच्या माध्यमातून तर कुणी कलेच्या माध्यमातून. भारतात दरवर्षी१४एप्रिलला भारतरत्न डॉ. बाबासाहेब आंबेडकर यांची जयंती मोठ्या उत्साहात साजरी केली जाते. याशिवाय महाराष्ट्रात अनेक ठिकाणी छत्रपती शिवाजी महाराज, महात्मा फुले आणि डॉ. आंबेडकर यांची संयुक्तिक जयंतीही साजरी करण्यात येते. याच दिनाचे औचित्य साधून कलर्स मराठीवरून 'जलसा महाराष्ट्राचा' हा कार्यक्रम येत्या रविवारी १४ एप्रिलला दुपारी १२ वाजता आणि सायंकाळी ७ वाजता प्रसारित होणार आहे.

आणखी एक प्रेमकहाणी 'झी युवा' घेऊन येत आहे. 'साजणा' असं या नव्या मालिकेचं नाव असून, त्याचा टीजर नुकताच प्रदर्शित झालेला आहे. मालिकेचं ट्रेलर पसंतीस पडत आहे. मालिकेविषयी सर्वांच्याच मनात खूप उत्सुकता आहे. १५ एप्रिल पासून सोमवार ते शनिवार संध्याकाळी ७ वाजता, 'झी युवा' वाहिनीवर ही मालिका पाहता येईल. या मालिकेतील 'रमा' या मुख्य स्त्री भूमिकेत 'पूजा बिरारी' ही नवी अभिनेत्री पाहायला मिळेल.

एक बेअदबदार शिपाई एका पार दबलेल्या राजाचे बारदान करतो तेव्हा काय धमाल होते! अरुण कदम यांचा राजा फारच भोळा आणि बिच्चारा आहे, पहा त्याची कशी फजिती होते. पक्क्या बाणकोटी वडिलांच्या आगरी बोलणाऱ्या मुलाला वडील 'शालू, झोका दे गो मैना’ गाण्यावर कसे नाचायला लावतात...

येत्या १४ एप्रिल रोजी तुमची दुपार आणि संध्याकाळ लोकसंगीताच्या मैफलीने रंगणार आहे. सोनी मराठी रसिक प्रेक्षकांसाठी घेऊन येत आहे 'जल्लोष लोकसंगीताचा'! प्रसिद्ध गायक आनंद शिंदेंच्या लोकगीतांवर मराठी टीव्हीवरील सेलिब्रिटीज धमाल नृत्याचा बार उडवून देणार आहेत. त्यामुळे अस्सल मराठी लोकसंगीत आणि लाजवाब डान्स परफॉर्मन्सेस असा दुहेरी आनंद रसिकांना लुटता येणार आहे.

आणखी एक प्रेमकहाणी 'झी युवा' घेऊन येत आहे. 'साजणा' असं या नव्या मालिकेचं नाव असून, त्याचा टीजर नुकताच प्रदर्शित झालेला आहे. मालिकेचा टीजर आणि शीर्षकगीत यांनी प्रेक्षकांच्या मनावर आतापासूनच भुरळ घालायला सुरुवात केली आहे. सुप्रसिद्ध गायक स्वप्नील बांदोडकर यांनी गायलेले हे गीत, किशोर कदम म्हणजेच कवी सौमित्र यांनी लिहिलेले आहे. अभिजित-विश्वजित या प्रसिद्ध जोडीने हे अप्रतिम गीत संगीतबद्ध केले आहे. सगळ्याच गोष्टी उत्तम जमून आलेल्या असल्याने, हे गीत प्रेक्षकांना खूपच पसंत पडते आहे. शीर्षकगीत आवडू लागल्याने, प्रेक्षकांमध्ये मालिकेविषयीदेखील खूप उत्सुकता निर्माण झाली आहे.

मालिका म्हंटलं की डोळे दिपवणारे सेट्स, भरजरी साड्या आणि कलाकुसरीचे दागिने हे चित्र आपल्या डोळ्यांसमोर उभं राहतं. ‘स्टार प्रवाह’वर लोकप्रिय होत असलेल्या ‘मोलकरीण बाई’ मालिकेसाठी मात्र कोणताही सेट नाही. ठाण्यातल्या खऱ्याखुऱ्या वस्तीमध्ये सध्या या मालिकेचं शूटिंग सुरु आहे. मालिकेचा विषय आणि त्याची मांडणी याचा विचार करता ‘स्टार प्रवाह’ वाहिनी आणि मालिकेच्या संपूर्ण टीमने रिअल लोकेशनवर शूट करण्याचा निर्णय घेतला आणि त्याला चांगला प्रतिसाद मिळताना दिसतोय. ठाण्यातल्या मणीबाग वस्तीमध्ये सध्या या मालिकेचं शूटिंग सुरु आहे. या वस्तीत राहणाऱ्या रहिवाश्यांच्या घरात सध्या लाईट्स, कॅमेरा आणि अॅक्शनचा आवाज घुमतोय. कलाकारांप्रमाणेच या वस्तीतले रहिवाशीही कलाकारांच्या भूमिकेत शिरले आहेत. अत्यंत नियोजनपूर्वक या मालिकेचं शूटिंग पार पडतंय. शूटिंगचा कोणालाही त्रास होणार नाही याचीही काळजी घेतली जातेय. यासाठी मालिकेची संपूर्ण टीम झटतेय.

Advertisement