कलर्स मराठीवरील बिग बॉस मराठीच्या घरामध्ये रंगलेल्या “घरोघरी मातीच्या चुली” या कार्यामध्ये मेघाची टीम विजयी ठरली होती. त्यानुसारच कॅप्टनसीच्या उमेदवारीसाठी विजयी टीममधील दोन सदस्यांना ही उमेदवारी द्यायची आहे असे बिग बॉस यांनी घरातील सदस्यांना काल सांगितले. त्यानुसार नंदकिशोर, स्मिता, मेघा आणि शर्मिष्ठा यांनमध्ये कॅप्टनसीच्या उमेदवारीसाठी कोण उभे राहील यामध्ये वाद – विवाद सुरु झाले. शेवटपर्यंत नंदकिशोर, स्मिता, मेघा आणि शर्मिष्ठा यांची टीम या निर्णयापर्यंत पोहचू शकली नाही आणि त्यामुळेच विरुध्द टीमला हा निर्णय घेण्याची जबाबबदारी सोपवली. त्या टीमने स्मिता आणि नंदकिशोर यांना कॅप्टनसीच्या उमेदवारीसाठी उभे केले. आज नंदकिशोर आणि स्मिता या दोघांच्या टीम मध्ये कॅप्टनसीचे कार्य रंगणार आहे. हे कार्य महेश मांजरेकर यांनी आखून दिले आहे. आज घरामध्ये हटके पद्धतीने पूल वॉलीबॉल खेळण्यात येणार आहे. या कार्यानिमित्त घरातील सदस्यांची चार टीम्समध्ये विभागणी करण्यात आली आहे. तेंव्हा आता बिग बॉस मराठीच्या घराचा नवा कॅप्टन कोण बनेल हे बघणे रंजक असणार आहे. बघायला विसरू नका बिग बॉस मराठी आज रात्री ९.३० वा. फक्त कलर्स मराठीवर.

कलर्स मराठीवरील बिग बॉस मराठीच्या घरामध्ये काल देखील “घरोघरी मातीच्या चुली” हे कार्य रंगले. सासू सासऱ्यांना त्यांच्या जावई सुनांना सतवायचे होते. मात्र काल टीम्समध्ये अदलाबदल करण्यात आली. टीम सून - जावयाचे नेतृत्व भाग्यश्री तर टीम सासू – सासऱ्यांचं नेतृत्व अतिशा नाईक यांनी केले. ज्यामध्ये शर्मिष्ठा आणि सई मध्ये तर मेघा आणि पुष्कर मध्ये बरेच वाद झाले. रेशमने स्मिताला दिलेली सगळी कामे तिने उत्तमरीत्या पार पाडली. ज्यांनी हे कार्य उत्तमरीत्या पार पाडले त्यांना हिरे देण्यात आले. मेघा, सई आणि पुष्कर यांचे त्रिकुट प्रेक्षकांना चांगलेच आवडत होते. पण गेल्या आठवड्यापासून त्यांच्यामध्ये बरेच वाद होत आहेत. हे वाद काल देखील दिसून आले. सईला मेघाचे म्हणणे पटत नाही तर पुष्करला मेघाचे म्हणणे ऐकून घ्यायचे नाही. आज देखील हा वाद विकोपाला जाणार असून पुष्कर, मेघा, सई, आस्ताद आणि रेशम यांच्यामध्ये बरेच वाद होणार आहेत. परंतु या वादामध्ये नक्की कोण माघार घेईल ? घराचा नवा कॅप्टन कोण होईल ? हे बघायला विसरू नका बिग बॉस मराठी आज रात्री ९.३० वा. फक्त कलर्स मराठीवर.

स्टार प्रवाहच्या मालिका म्हणजे एक कुटुंब असतं. कोणत्याही कुटुंबात जितक्या गंमतीजमती होतात, तशाच त्या मालिकांच्या सेटवरही होतात. नुकतीच लेक माझी लाडकी या मालिकेच्या सेटवर वडापावची मेजवानी झाली. मस्त रिमझिम पाऊस आणि गरमागरम वडापाव असा बेत जमून आला.

राधा आणि प्रेम यांच्या प्रेमाची सुरुवातच मुळी वेगळ्याप्रकारे झाली. राधा आणि प्रेम कसे एकमेकांच्या प्रेमामध्ये गुंतत गेले, अडकले, कधी ती भावना एकमेकांच्या मनामध्ये आली हे त्यांचे त्यांना देखील कळाले नाही. राधा – प्रेमच्या अबोल प्रेमाची साक्ष देशमुख आणि निंबाळकर कुटुंब देखील होते. परंतु नियतीला काही वेगळेच मान्य होते. अचानक एका घटनेने किंवा राधाच्या एका निर्णयाने सगळेच बदलून गेले. राधा अचानक प्रेम काय तर सगळ्यांच्याच आयुष्यामधून निघून गेली.

कलर्स मराठीवरील घाडगे & सून मालिकेमध्ये आता अमृताचा नवीन प्रवास सुरु झाला आहे. या प्रवासामध्ये अण्णा आणि माई तिच्या पाठीशी खंबीरपणे उभे आहेत. अण्णांनी अमृताला तिचं करिअर करण्याची संधी दिली असून ते आता अमृताला पेढीवर बसून जेमोलॉजिचे धडे देत आहेत तसेच बाकीच्या छोट्या – मोठ्या गोष्टी देखील शिकवत आहेत. या सगळ्यामध्ये वसुधाच्या कुरघोडी सुरूच आहेत. परंतु माई आणि अण्णांच्या साथीने अमृता त्यांच्यावर मात करून आपल्या करिअरवर लक्ष केंद्रित करत आहे.

कलर्स मराठीवरील लक्ष्मी सदैव मंगलम् मालिकेच्या सेटवर लक्ष्मी, आर्वी आणि ओमप्रकाश यांची बरीच गट्टी जमली आहे, या तिघांमध्ये चांगली मैत्री देखील झाली आहे. सेटवर यांची बरीच धम्माल मस्ती सुरु असते. एकत्र जेवणे, सीनच्या मधल्या वेळेमध्ये गेम खेळणे, एकमेकांसोबत मज्जा मस्ती करणे. या मध्येच लक्ष्मी म्हणजेच समृद्धीची अजून एक मैत्रीण सेटवर बनली आहे. जी तिच्या मागे मागे करत असते, सतत ती जिथे जाईल तिथे ती जाते. आणि त्या मैत्रिणीचं नावं आहे जेली. तुम्हाला आता प्रश्न पडेल कि, ही जेली कोण आहे ?

Advertisement