२५ मार्चपासून ‘स्टार प्रवाह’वर मोलकरीण बाई ही नवी मालिका सुरु झालीय. या मालिकेच्या संपूर्ण टीमने एकत्र येत या मालिकेचा पहिला एपिसोड पाहिला. प्रत्येक कलाकारासाठी सुरु होणारा नवा प्रोजेक्ट हा खुपच स्पेशल असतो. मोलकरीण बाईच्या संपूर्ण टीमच्या बाबतीतही असंच म्हणता येईल. उषा नाडकर्णी, भार्गवी चिरमुले, सारिका निलाटकर, सुप्रिया पाठारे, अश्विनी कासार आणि गायत्री सोहम अशी तगडी स्टारकास्ट या मालिकेत आहे. सेटवर या अभिनेत्रींचं महिलाराज आहे असं म्हंटलं तर ते वावगं ठरणार नाही. दिवसाचे बारा-तेरा तास सेटवर एकत्र असल्यामुळे या कलाकारांमध्ये जिव्हाळ्याचं नातं बनलंय. त्यामुळेच मालिकेचा पहिला एपिसोड एकत्र पाहात या कलाकारांनी सेटवर जंगी सेलिब्रेशन केलं.

सध्या देशात सर्वाधिक उत्सुकता आहे ती VIVO IPL २०१९ ची. क्रिकेटच्या मराठमोळ्या चाहत्यांसाठी स्टार प्रवाहकडून एक खुशखबर आहे. VIVO IPLचे सामने प्रेक्षकांना ‘स्टार प्रवाह’वर पाहता येणार आहेत आणि तेही मराठीतून. २३ मार्चचा पहिला सामना आणि दर रविवारी VIVO IPL चे रंगतदार सामने प्रेक्षकांना मराठीतून ‘स्टार प्रवाह’वर पाहण्याची अनोखी संधी मिळणार आहे. कारण, खरी मजा तर आपल्या भाषेतच आहे. विशेष म्हणजे VIVO IPL सामन्यांच्या आधी ‘क्रिकेट नाका’ या अनोख्या कार्यक्रमातून क्रिकेट सामन्यांचा उहापोह केला जाणार आहे. अतुल परचुरे, पुष्कर श्रोत्री, विजय केंकरे, विजय पटवर्धन आणि खुशबू तावडे ही कलाकार मंडळी आपल्या खुमासदार शैलीने सामन्यांविषयीची उत्सुकता वाढवतील.

नवनवीन मालिका आणि त्यांचं दर्जेदार सादरीकरण याच्या माध्यमातून ‘स्टार प्रवाह’ने नेहमीच प्रेक्षकांचं मनोरंजन केलं आहे. असाच एक वेगळा विषय असलेली मालिका ‘जिवलगा’ लवकरच स्टार प्रवाहवर सुरु होतेय. या मालिकेच्या निमित्ताने मराठी टेलिव्हिजनच्या जगतात एक महत्वाचं पाऊल उचलण्यात येणार आहे. आघाडीचा सुपरस्टार स्वप्नील जोशी आणि ‘हँडसम हंक’ सिद्धार्थ चांदेकर हे दोघे अनुक्रमे सात आणि नऊ वर्षांनी दुरचित्रवाणीवर दिसणार आहेत. तर आपल्या ग्लॅमरस अदाकारीने मराठी आणि हिंदी चित्रपटसृष्टी गाजवणारी अभिनेत्री अमृता खानविलकर ही ‘जिवलगा’ मधून पहिल्यांदाच दैनंदिन मालिकेतून झळकणार आहे. मधुरा देशपांडे सुद्धा या मालिकेतून वेगळ्या रुपात प्रेक्षकांसमोर येईल.

कुठल्याही मालिकेचे शंभर भाग पूर्ण होणे, ही मालिकेच्या यशाची पहिली मोठी पायरी असते. नुकताच 'वर्तुळ' या मालिकेने हा टप्पा पूर्ण केला आहे. एक अत्यंत वेगळ्या प्रकारचे कथानक असल्याने ही मालिका प्रेक्षकांच्या पसंतीस पडली. मालिकेतील मुख्य भूमिकेत असलेले जुई, विकास आणि विजय यांनी आपल्या भूमिका योग्य प्रकारे निभावल्या आहेत. मालिकेच्या या यशात या तिघा कलाकारांचा महत्वाचा वाटा आहे. परंतु कुठलीही मालिका यशस्वी होण्यामध्ये पडद्यामागच्या कलाकारांचाही मोलाचा वाटा असतो. त्यांची मेहनत दुर्लक्षित करून चालत नाही. म्हणूनच 'वर्तुळ' मालिकेचे शंभर भाग पूर्ण झाल्याचा आनंद साजरा करत असताना, सगळ्याच टीमला त्यात सहभागी करून घेण्यात आलं. मालिकेच्या संपूर्ण टीमने केक कापून हा आनंद आनंद साजरा केला. वर्तूळ ही मालिका सोमवार ते शनिवार रोज रात्री ९ वाजता झी युवावर पाहायला मिळते.

कलर्स मराठीवरील महा रविवारच्या विशेष भागामध्ये मैत्री आणि प्रेमाच्या रंगांची उधळण होणार आहे. घाडगे & सून मालिकेमध्ये अक्षय आणि अमृताचे नाते नाजूक वळणावर येऊन पोहचले आहे. जिथे कियाराच्या खोट्या वागण्याने तिने अक्षयचा विश्वास पूर्णपणे गमवला आहे आणि यामधून बाहेर येण्यासाठी अक्षय अमृतामध्ये कुठेतरी दुरावलेली मैत्री शोधू लागला आहे. पण, अमृताला अक्षयच्या मनाची घालमेल कळते आहे, अक्षयच्या वागण्यामागचे कारण मात्र होळीच्या दिवशी अमृताला कळले आहे. आता ती हे सत्य घरच्यांना आणि अक्षयला कसे सांगेल ? हा मोठा प्रश्न तिच्यासमोर आहे. याचबरोबर सुखाच्या सरींनी हे मन बावरे मालिकेमध्ये अनु सिद्धार्थच्या घरी येऊन गेली आहे. नेहा आणि सिद्धार्थच्या बोलण्यातून त्याला असे समजते कि अनुला रंग खेळायला खूप आवडायचे पंरतु अवीच्या अचानक जाण्याने अनु आता रंगपंचमी साजरी करत नाही. महा रविवारच्या रंगपंचमी विशेष भाग रंगणार असून अनुच्या आयुष्यात सिद्धार्थ पुन्हा प्रेमाचा रंग आणू शकेल ? अक्षय – अमृता रंगपंचमी कशी साजरी करतील ? हे बघणे रंजक असणार आहे. याच बरोबर महाराष्ट्र जागते रहो या कार्यक्रमाचा देखील विशेष भाग महा रविवार मध्ये बघायला मिळणार आहे. तेंव्हा नक्की बघा या तिन्ही कार्यक्रमांचे विशेष भाग येत्या रविवारी म्हणजे २४ मार्च दु. १२ आणि संध्या. ७ वा. भाग नक्की बघा कलर्स मराठीवर.

झी मराठी आणि झी युवाच्या कलाकारांनी प्रेक्षकांना होळी आणि धुळवडीच्या शुभेच्छा देत काही खास आठवणी शेअर केल्या आहेत.

Advertisement