कला आणि सौंदर्य यांचे एकमेकांशी अतूट नाते आहे. सौंदर्याचा आविष्कार म्हणूनच कलेकडे पहावे लागेल. रसिकतेने ते सौंदर्य अनुभवत कलेच्या आगळ्या आविष्काराचा आनंद “जश्न-ए-हुस्न” या सांगीतिक कार्यक्रमातून प्रेक्षकांना मिळणार आहे. संगीत आणि नृत्याच्या माध्यमातूनच तिचा साजशृंगार, तिचं सौंदर्य याची ओळख करून देण्याचा प्रयत्न झाला तर तो रसिक मनावर ठसेल आणि अंतरी रुळेल हे जाणून ज्येष्ठ गायिका राणी वर्मा यांनी “जश्न-ए-हुस्न” हा अनोखा कार्यक्रम प्रेक्षकांच्या भेटीला आणला आहे. सिस्टर कनर्सन एन्टरटेंन्मेंट आणि राणी वर्मा यांची प्रस्तुती असलेल्या या कार्यक्रमाचा ‘श्रीगणेशा’ ८ मार्चला महिला दिनाच्या शुभमुहूर्तावर झाला. रसिकांचा प्रचंड प्रतिसाद मिळाल्यानंतर आता या कार्यक्रमाचा दुसरा प्रयोग शुक्रवार १३ एप्रिलला रात्रौ ८.०० वा. रविंद्र नाट्यमंदिर येथे रंगणार आहे. तर तिसरा रविवार १५ एप्रिलला ठाणे येथील डॉ.काशिनाथ घाणेकर सभागृहात रात्रौ ८.३० वा. संपन्न होईल.

रंगभूमी आणि कलेचा वारसा असलेल्या नाट्य क्षेत्रातील कार्यरत असलेल्या रंगकर्मींना सन्मानित करणारे, त्यांच्या कामाला दाद देणारेआणि त्याचं कौतुक करणारे प्रतिष्ठित आणि मोलाचं व्यासपीठ म्हणजे झी नाट्य गौरव पुरस्कार सोहळा. हा सोहळा काही दिग्गजकलाकार आणि रंगकर्मी यांच्या उपस्थितीत पार पडला. बहारदार परफॉर्मन्सेस आणि मनोरंजनाने परिपूर्ण असलेल्या या पुरस्कारसोहळ्यात रंगकर्मींनी अनेक पुरस्कार पटकावले. यंदा झी नाट्य गौरव पुरस्कार सोहळ्यात सर्वोत्कृष्ट प्रायोगिक नाटकाला १ लाख रुपयांचेरोख पारितोषिक देऊन सन्मानित करण्यात आलं.

आजच्या २१ व्या युगात मुले कार्टून नेटवर्क आणि मोबाईलकडे वळली असताना आजही अनेक संस्था मुलांना ऐतिहासिक ज्ञान प्राप्त व्हावे यासाठी कार्यरत आहेत. कल्पांगण संस्था ही त्यांच्यापैकी एक आहे. नुकतचं हनुमान जयंती निमित्त कल्पांगण संस्थेने "रामरंग" हा कार्यक्रम राबवला. भगवान राम यांच्या आयुष्यावर आधारित असलेली कथा या नृत्यनाटिकेत मांडण्यात आली. रामरंग फक्त कलाकृती नसून कल्पांगणच्या कलाकारांसाठी एक परंपरा आहे,असं कल्पांगणच्या संचालिका कल्पिता राणे सांगतात.

मराठी रंगभूमीवर नाटक जपणारे आणि नाटक जगणारे रंगकर्मी यांच्या कामाची दखल घेत त्यांचा सन्मान करणारा सोहळा म्हणजे झी नाट्य गौरव सोहळा. दरवर्षीप्रमाणे याही वर्षी हा गौरव सोहळा अत्यंत दिमाखदार पद्धतीने पार पडला. व्यावसायिक आणि प्रायोगिक नाटकात कमालीची चुरस असलेल्या या सोहळ्यांत कोण बाजी मारेल याकडे सर्वांचं लक्ष होतं. यात “संगीत देवबाभळी" या नाटकाने बाजी मारली.

मराठी रंगभूमी आणि चित्रपटसृष्टीतील कलाकारांचा व कलाकृतींचा यथोचित सन्मान करणा-या संस्कृती कलादर्पण पुरस्काराने मनोरंजन विश्वात आपली विशेष मोहोर उमटवली आहे. संस्कृती कलादर्पण संस्थेतर्फे व्यावसायिक नाटकांसाठीची स्पर्धा नुकतीच आयोजित करण्यात आली होती. स्पर्धेच्या प्राथमिक फेरीचा निकाल जाहीर झाला असून स्पर्धेतील निवडक नाटकांची अंतिम फेरी ७, ८ व ९ एप्रिल २०१८ रोजी यशवंत नाट्य मंदिर, माटुंगा, मुंबई येथे आयोजित केली आहे.

महाराष्ट्रातील बालरंगभूमी चळवळीचा आढावा घेतला असता बालरंगभूमी अधिक भक्कम आणि परिपूर्ण होण्यासाठी बालरंगभूमी संघटनेची निवड आम्हाला प्रकर्षाने जाणवली. यासाठी आम्ही महाराष्ट्रातील या क्षेत्रात कार्यरत असलेल्या २५ रंगकर्मींना एकत्र घेऊन अनुभवी ज्येष्ठ रंगकर्मींचा सल्ल्याने आणि त्यांच्या मार्गदर्शनात "बालरंगभूमी अभियान" या संघटनेची दि. ५ जुलै २०१७ रोजी स्थापना केली आणि याची धर्मादाय आयुक्त कार्यालयात रीतसर नोंदणी केली.

Advertisement